اومیت ءِ وڈھ اٹی امن ایمنی نا گچین کننگ کن پرمان جاری کننگے، اسپیکر قومی اسمبلی

اسلام آباد : اسپیکر قومی اسمبلی اومیت ظاہر کرینے کہ بلوچستان نا علاقہ وڈھ اٹی امن وایمنی نا حالیت آتے گچین کننگ کن حکومت دمدستی پرمان جاری کیک۔ جمعہ نادے آ قومی اسمبلی ٹی قومی اسمبلی نا باسک آغاحسن بلوچ نا کنڈآن چست کروک ٹ آتا ورندی ءِ ترسا اسپیکر پارے کہ اومیت کیوہ کہ حکومت دا باندات آ دمدستی گام گیج کیک۔ داکان مست اعتراضی ٹک آ آغاحسن بلوچ پارے کہ تدوک آ پانزدہ دے آن بلوچستان وڈھ انا حالیت آک بھاز خراب ءُ، نن داباندات آ ایوان نا چکار ءِ کرفیسن، داسہ زرس مست ننا جماعت نا سروک اخترمینگل نا اُراغا مارٹر وگولہ خلنگانے، بلوچستان اٹ چادر و چاردیواری ءِ لتاڑنگ انگ ءِ۔ داحالیت آتا سنگین نتیجہ اس دوئی مریک، حالیت آتے گچین کننگ کن دمدستی پرمان جاری کننگے۔ آزاد باسک علی وزیر ہم وڈھ بلوچستان نا حالیت آتیا گڑتی نا درشانی ءِ کرے۔

(اے پی پی)