اوآئی سی ڈل انا اقوام متحدہ نا سیکرٹری جنرل تون اوڑدہی
Get real time updates directly on you device, subscribe now.
اقوام متحدہ : اسلامی کمکار تنظیم نا پاکستان تون ایلو باسک ملک آتا ڈل اقوام متحدہ نا سیکرٹری جنرل انتونیوگوتریش تون اوڑدہی کرے و اودے سویڈن اٹی زوت آتے اٹ قرآن پاک نا بے شرفی نا گندہ انگا واقعہ غاتیا مسلم دنیا ٹی مروک آ شدید غم و غصہ آن معلومدار کرے و اسلاموفوبیا نا برخلاف پلان آف ایکشن نامنظوری ءِ تننگ نا خواست کرے۔ نیویارک اٹی اقوام متحدہ ٹی پاکستانی مشن نا کنڈآن جاری بیان نا رداٹ اوڑدہی ٹی اقوام متحدہ ٹی پاکستان نا آخبتی مندوب منیر اکرم مصر و بنگلہ دیش نا سفیر و سعودی عرب و موریطانیہ نا ناظم الامور تون اقوام متحدہ نا سروک آ زور شاغا کہ او داوڑنا گندہ غا واقعہ غاتے توننگ کن گام گیج کے۔ پاکستانی مندوب سیکرٹری جنرل ءِ معلومدار کرے کہ پاکستان نا پارلیمنٹ زوت آتے اٹ سویڈن اٹی قرآن پاک نا بے شرفی نا مذمت نا قابل کاریم نا مذمت اٹ اسہ قرارداد اس منظور کرینے ہرانا اسہ نقل اس او اقوام متحدہ نا سیکرٹری جنرل نادوٹی تس۔
(اے پی پی)