سنگت آتا سلاہ اٹ الس نا خذمت ءِ برجا تخنہ، میر بیبرگ رند
Get real time updates directly on you device, subscribe now.
مچ : ڈسٹرکٹ کونسل کچھی بولان نا پوسکن آ چیئرمن سردارزادہ میر بیبرگ خان رند پارینے کہ نن کل سنگت آتون ملسا پینل نا کماش سردار یار محمد خان رند نا راہشونی ٹی اُلس نا خدمت ءِ برجا تخنہ۔ ضلع کچھی نا خلقی آبادی ءِ شون ترسا شاری آبادی نا نیمہ غا اتینہ۔ اُلس نا وسیلہ غاک اُلس نا بنداوی گرج و آسراتی و اوفتا ویل آتا ایسری آ خڑچ کننگک۔ اُلس نا ویل آتے اوفتا پاننگ آ ایسر کننگ کن گام گیج کننگک۔ حوال نارداٹ ضلع کچھی نا پوسکن گچین مروک آ چئیرمن سردار زادہ میر بیبرگ خان رند نا کماشی ٹی میونسپل کمیٹی ڈھاڈر نا ہال اٹ ستائی دیوان اس اڈ ہلک۔ دیوان اٹ ڈسٹرکٹ کونسل کچھی نا باسک آک اسسٹنٹ ڈائریکٹر لوکل گورنمنٹ چیف آفیسر گل منیر مگسی و ایلو مہمانک ساڑی ئسر۔ ستا آن پد چئیرمن و وائس چیئرمین تینا تران اٹ پوسکن گچین مروک آ باسک آتا منتواری ءِ ہرفے۔
(تلار حوالکار)