سی پیک بھاز اہم ءِ، اسہ جاگہ اس ہم کاریم تے سلتنے، عاصم باجوہ

کوئٹہ /اسلام آباد ( آن لائن/ اے پی پی ) چیئرمین سی پیک اتھارٹی لیفٹیننٹ جنرل (ر)عاصم باجوہ پارینے کہ سی پیک نا ہچ ءُ جاگہ اس کاریم سلتنے، سی پیک ننکن بھاز زہم ءِ دانا ہچ ءُ پراجیکٹ اس بایدے سلپ، بلوچستان بھاز پدی بٹنگانے، ولے داسہ مونی ہنونی ءِ، ہراتم بارڈر سیل مریک تو سیکیورٹی ہم جوان مریک، اوغانستان تون خلوک آ بارڈر معجزہ لگنگ اٹی ءِ، بندرگاہ نا پورو مننگ آن نہ بیرہ پاکستان وخت اس کہ چمن نا کسر اٹ اوغانستان آ ہم مال سر مننگ کیک، میرکبیراحمد محمد شہی تون کیہی وار ملانٹ، اولیکو وار اودے پین وڑ خناٹ، دا خیال آتا درشانی ءِ او سی پیک نا بابت خصوصی کمیٹی نا دیوان نا بشخندار آتے انرجی و انفرااسٹرکچر ڈٹ آتیا بریفنگ ترسا کرے۔ تدوک آ دے سینیٹر شیری رحمان نا کماشی ٹی سی پیک نا بابت خاص ءُ کمیٹی اسے نا دیوان مس، چیئرمین سی پی اتھارٹی عاصم سلیم باجوہ انرجی و انفرااسٹرکچر ڈٹ آتیا بریفنگ تس، چیئرپرسن کمیٹی شیری رحمان بلوچستان انڈسٹریل زون و کوئٹہ ماس ٹرانزٹ ٹرین رپورٹ ءِ بٹنگا، ہراٹی چیئرمین سی پیک اتھارٹی عاصم باجوہ بریفنگ ترسا پارینے کہ ننے پرمان کننگانے کہ سی پیک ننکن بھاز اہم ءِ، دانا ہچ ءُ پراجیکٹ اس بایدے سلپ.