میرات پاش کننگ نا بنداو ءِ پاکستان تحریک انصاف تخا، شاہ محمود قریشی

اسلام آباد (اے پی پی) وزیر خارجہ مخدوم شاہ محمود قریشی پارینے کہ میرات آتا سرجم آتے الس نا مون آ پیش کننگ نا روایت ءِ تحریک انصاف شاغا۔ کانودا دوہری شہریت تخوک اسہ بندغ اس ہم قومی اسمبلی و سینیٹ نا باسک مننگ کپک ولے پین عہدہ سے نا بابت داوڑ انا ہچ ءُ قدغن اس ساڑی اف۔ دوشنبے نادے آ تینا بیان اٹی وزیر خارجہ پارے کہ پاکستان اٹی مہالوہم بھاز انگا شخصیت آک حکومت آتیٹی اہم زمواری پورو کرسا کرینو ولے میرات آتا سرجم آتے الس نا مون آ پیش کننگ نا روایت ءِ عمران خان نا پارت آ تحریک انصاف شاغا۔ ہراتسکان اِرا ملکی شاری نا تعلقداری ءِ تو ننے داہروئی ءِ کہ کانود و آئین دا رد اٹ ٹی انت پاہک؟۔ کانودا نا ر د اٹ اِرا ملکی شاری بندغ قومی اسمبلی و سینیٹ نا باسک مننگ کپک ولے پین عہدہ سے نا بابت داوڑ انا ہچ ءُ اڑنگ اس ساڑی اف۔ اوپارے کہ فائدہ غاتا ڈوک لگنگ آن بچنگ کن اخہ در پیدوار ءُ پالیسی اس تحریک انصاف تینا کرینے او اینو اسکان اسہ جماعت اس ہم تینا کتنے تانکہ اسہ بندغ اس ہم تینا منصب ءِ تینا جند انا یا زرگزرانی نا ودفنگ کن کاریم اٹ اتنگ کپ۔ کنا سلاہ ٹی جمہوری روایت آتیٹی الس نا گچین کروک آ نمائندہ غاتا حیثیت افضل مریک انتئے کہ اوفتے الس نا پت دوئی مریک ایلو کنڈآ سلطنت نا باندات آتے چلیفنگ کن نمے چندی بشخ آتا چاہندار آتا ہم گرج مریک ہراحکومت نا کمک ءِ کننگ کیر و داوڑمچ آ دنیا ٹی مریک۔ آئین نا رداٹ وزیراعظم پنچ داوڑ سلاہکار تعینات کننگ کیک تدوک آ دور تیٹی ہم سلاہکار تخنگا و عمران خان صاحب ہم کانود نا رداٹ سلاہکار/ٹیکنوکریٹس تعینات کرے۔ وزیر خارجہ پارے کہ وزیراعظم عمران خان نا پارت آ تحریک انصاف حکومتی عہدیدار آتا دوہری شہریت و میرات آتے پاش کننگ نا روایت ءِ شاغانے ہرامستین اٹ خننگپک۔