سعودی فرمانروا شاہ سلمان بن عبدالعزیز ناجوڑ ،ہسپتال آ گدریفنگا
Get real time updates directly on you device, subscribe now.
ریاض/ اسلام آباد ( آن لائن) سعودی فرماں رواشاہ سلمان بن عبدالعزیز ءِ ناجوڑی نا سوب آن ہسپتال آ گدریفنگا۔ سعودی عرب نا سرکاری خبررساں ایجنسی العربیہ نا رداٹ شاہ سلمان ءِ زارک انا پِرنگ نا تکلیفی مس اوکان پد دو شنبے نا سہب اتون اودے ہسپتال آ گدریفنگا۔ شاہی محل آن جاری مروک آ بیان اٹ پاننگانے کہ 84سال نا سعودی فرمانروا شاہ سلمان ءِ طبی جاچ اکن کنگ فیصل سپیشلسٹ ہسپتال اٹ داخل کننگانے۔ کنگ فیصل اسپیشلسٹ ہسپتال اٹ ڈاکٹر آتا ٹیم فرمانروا نا جاچ ءِ ہلنگ اٹی ءِ، وزیراعظم عمران خان ٹویٹر آ تینا کلہو اٹی سعودی فرمانرواسلمان بن عبدالعزیز نا جانجوڑی نا بابت اُست ہسونی نا درشانی ءِ کرسا پارینے کہ حکومت پاکستان و اُلس اونا زوت اس جانجوڑی کن دعاگو ءِ، دعا ءِ کہ اللہ اودے جانجوڑی ایتے۔