مسکوہی فاٹا ٹی جمہوری عمل نا سال اسے نا پوروی قبائلی تے مبارک مرے، شبلی فراز
Get real time updates directly on you device, subscribe now.
اسلام آباد (اے پی پی) بنجائی وزیر حوالکاری و شینکاری سینیٹر شبلی فراز پارینے کہ بہادر و غیرتی قبائلی الس ءِ مسکوہی فاٹا ٹی جمہوری عمل نا اسہ سال انا پورو مننگ آ مبارکبادی پیش کیک، تدوک آ سال دادے آ محب وطن قبائلی الس ءِ اوفتا بے مٹ قربانی و استقامت نا بھرم وونٹ انا حق انا دروشم اٹ ملاسس۔ دوشنبے نادے آ تینا ٹویٹ اٹی بنجائی وزیر حوالکاری سینیٹر شبلی فراز پارے کہ بروک آ وخت اٹی اوفتے پین خوشی، خوشخبری و شونداری ملک، قبائلی الس وزیراعظم عمران خان نا است انا خڑک ءِ ، ہموجاگہ نا شونداری و اوفتے واکدار کننگ اونا پکا عزمءِ۔ اوپارے کہ قبائلی الس ءِ وکیل، دلیل و اپیل نا حق ملنگ بدلی اسے، مرکزی جمہوری دنگ اٹ اوفتا اوار مننگ پوسکن آ سوگو و شونہال پاکستان نا نشانیءِ۔