نوشکے، 3 کریش پلانٹ بے این او سی آن کاریم کننگ ناسوب آن سیل
Get real time updates directly on you device, subscribe now.
نوشکے (تلار حوالکار) محکمہ چاگڑدی رکھ انا سرکڑدہ غاک کریش پلانٹ پلاسٹک نا تھیلی بہا کروک دکان تتون اوار چندی سرکاری و نجی ہسپتال و لیبارٹری و بازار اٹ سَفائی نا حالیت نا بابت ایکشن ہلسا 3 کریش پلانٹ ءِ بے این او سی آن کاریم کننگ ناسوب آن سیل کریر وخت اس کہ بازار اٹ ممنوعہ پلاسٹک نا تھیلی بہا کروک آ دکاندار تیان پلاسٹک نا تھیلہ غاتے ضبط کریر واوفتے پارت کریر کہ محکمہ ماحولیات آن منظور مروک با ئیوڈیگریڈ ایبل پلاسٹک استعمال کاریم اٹ اتنگے ہراکہ دے انا باسنی و دیر لگنگ آن چٹرہ وخت اس کہ ہسپتال و لیبارٹری تا آب انا ہم جاچ ءِ ہلنگا‘ محکمہ ماحولیات نا سرکڑدہ غاک چیف آفیسر میونسپل کمیٹی منظور احمد بادینی تون اوڑدہی کریرو اودے شار اٹ سَفائی نا حالیت آتیان معلومدار کرسا سَفائی نا نظام ءِ جوان کننگ و کھد کھتر ءِ شار آن کشنگ نا بابت ہیت وگپ کریر۔ داکان پد محکمہ تحفظ ماحولیات نا ضلعی انچارج حبیب الرحمن میڈیا تون ہیت وگپ کرسا پارے کہ ڈائریکٹر جنرل محکمہ چاگڑدی رکھ انا پرمان آ عمل کرسا محکمہ نا کارندہ غاک تینا زمواری تے پورو کننگ اٹی ءُ الس محکمہ نا کمامدار آتتون کمک کرسا بدلی ناعمل اٹ تینا کڑد ءِ ادا کے تاکہ نوشکے ٹی پلاسٹک شاپر آتا کاریم اٹ اتنگ و جنگل آتا کاٹ کننگ ءِ پورو وڑ اٹ چٹفنگے۔