ڈی ایچ کیو ہسپتال اٹی رہینگ انگ نا جاگہ غاک صدقہ جاریہ ءُ ، اعجاز احمد شاہ

0

Get real time updates directly on you device, subscribe now.

ننکانہ صاحب (اے پی پی) بنجائی وزیر داخلہ بریگیڈیئر(ر) اعجاز احمد شاہ پارینے کہ ڈی ایچ کیو ہسپتال اٹی رہینگ انگ نا جاگہ غاک صدقہ جاریہ ءُ ، ناجوڑ و اوفتا خاہوت آتے ہروڑ انا آسراتی فراوان کننگک، ننکانہ صاحب ءِ ماڈل ضلع اس کینہ، ڈی ایچ کیو ہسپتال اٹ شیلٹر ہوم انا بنا ءِ کرے۔ داخیال آتا درشانی ءِ او دوشنبے نادے آ ڈسٹرکٹ ہیڈکوارٹر ہسپتال ننکانہ صاحب اٹ رہینگ انگ نا جاگہ غاتا بنائی دود آن تران کرسا کرے۔ ڈی ایچ کیو ہسپتال اٹی اِرا مزل نا رہینگ انگ نا جاگہ غاتیٹی اسہ وخت اٹی اسہ سد بندغ نا رہینگ انگ نا گنجائشتءِ۔ شیلٹر ہوم آ 42 لکھ روپئی خڑچ بسنے۔ شیلٹر ہوم اٹ ناجوڑ آتا خاہوت آتیکن غٹ آسراتی دُوبریک۔ داوخت آ وزیرداخلہ اعجاز احمد شاہ پارے کہ ڈی ایچ کیو ہسپتال اٹی رہینگ انگ نا جاگہ غاک صدقہ جاریہ ءُ۔ ناجوڑ و اوفتا خاہوت آتے ہروڑ انا گچین آسراتی فراوان کننگک۔ ننکانہ صاحب ءِ ماڈل ضلع اس کینہ۔ اوپارے کہ مچ آ ضلع ٹی پبی سفائی مہم اس چلیفنگک۔ غلہ منڈی و سوزی منڈی ءِ شار آن پیشن گدریفنگک۔ اوپارے کہ بھلاعئید و محرم الحرام اٹ کوروناوائرس نا بابت زیات احتیاط نا گرجءِ۔ محرم الحرام اٹ ضابطہ اخلاق آ سختی اٹ عملدرآمد کرفنہ۔ ملک اٹی یکجہتی نا سخت گرجءِ۔

Get real time updates directly on you device, subscribe now.

Leave A Reply

Your email address will not be published.