کیٹی بولٹر پروگرس ٹور ویمن ٹینس چمپئن شپ ءِ کٹا

0

Get real time updates directly on you device, subscribe now.

لندن (مانیٹرنگ ڈیسک) انگلینڈ نا ٹینس سٹار کیٹی بولٹر پروگرس ٹور ویمن ٹینس چمپئن شپ ءِ کٹا۔ او فائنل میچ اٹ تینا ہم وطن جوڈی اینا برج ءِ بے سہب کرسا ٹائٹل ءِ تینا پن آ کرے۔ تدوک آ دے روہیمپٹن نا نیشنل ٹینس سینٹر اٹ ڈومیسٹک پروگرس ٹور ویمن ٹینس چمپئن شپ اٹ گوازی کروک آ فائنل میچ برطانوی ٹینس گوازی گر کیٹی بولٹر نا مقابلہ 21 سالہ ہم وطن جوڈی اینا برج تون ئس ہراٹی ہڑتوم آ گوازی گرتا نیام اٹ سخت مقابلہ مس۔ کیٹی بولٹر جوڈی اینا برج نا دو تیان اولیکو سیٹ اٹ 3-6 نا بے سہبی آن پد ہڑتوم آ سٹریٹ سیٹس اٹ 7-6(7-4) و 6-2 اٹ بے سہب کرسا پروگرس ٹور ویمن ٹینس چمپن شپ ءِ کٹا۔ انجری ویل آتیان جان خلاص کننگ آن پد مسکوہی برطانوی نمبر دو کیٹی بولٹر نیاڑی تا سنگل آتا مقابلہ نا جہانی درجہ بندی ٹی 374  اٹی ءُ وخت اس کہ جوڈی اینا برج 289 میکو نمبر آٹے۔ چمپئن شپ اٹ سرسہبی آن پد میڈیا تون ہیت وگپ کرسا کیٹی بولٹر پارینے کہ او تینا دا سرسہبی آ بھاز خوش ءِ او آخبت اٹ ہم تینا جوان انگا کارکڑد ءِ جوان تخسا پین سرسہبی دوئی کیوہ۔

Get real time updates directly on you device, subscribe now.

Leave A Reply

Your email address will not be published.