چین نا بیڈ منٹن سپر سٹار لِن ڈین نا ریٹائرمنٹ نا پڑو

بیجنگ (مانیٹرنگ ڈیسک) چین نا اِرا وار نا اولمپک چمپئن و دنیائے بیڈمنٹن نا دا وخت اسکان نا کل آن بھلا گوازی گر ءِ، لِن ڈین تینا 36 سال نا وہی اٹ ریٹائرمنٹ نا پڑو کرے۔ دا وڑ بیجنگ 2008ء و لندن 2012ء نا گوازی تیٹی طلائی تمغہ کٹوک آ لِن ڈین 2020ء ٹوکیو اولمپکس اٹ بشخ ہلپک۔ 2020ء ٹوکیو اولمپکس گیمز ہرا کورونا وائرس نا سوب آن داسہ بروک آ باسنی نا مُد اٹ جاپان اٹ اڈ ہلیک۔ لِن ڈین نا جوان انگا کیریئر نا ایسری تینا جوان انگا حریف و دوست ملائیشین بیڈمنٹن سٹار لی چونگ وی نا ریٹائرمنٹ آن سال اس پد مسنے۔ دا جوڑی اسہ دہائی سے آن زیات گوازی آ حکمرانی کریر و کیہی سال تیٹی گوازی ٹی جوانی آن پد گوازی آن دستبردار مس۔ لِن ڈین تینا کیریئر اٹی 666 سنگلز ایونٹس ءِ کٹا داڑان بیدس او کیہی میڈل آتے تینا پن آ کرے۔ لِن ڈین راجی رابطہ غاتا ویب سائٹ آ تروک آ اسہ بیان اسے ٹی پارینے کہ ای تینا کوچ، ٹیم انا سنگت و شیدائی تا منتوار اُٹ ہرافک کنا کیریئر اٹی کنتون کمک کریر۔ او پارینے کہ ہر جوان انگا مقابلہ ٹی سرسہبی نا اُست خواہی ئس۔