کرکٹ نا شونقی تا اُست ہسونی‘کورونا نا سوب آن ٹی 20 ورلڈ کپ کینسل
Get real time updates directly on you device, subscribe now.
دبئی (مانیٹرنگ ڈیسک) انٹرنیشنل کرکٹ کونسل (آئی سی سی) نا رداٹ ورلڈ ٹی ٹوئنٹی ایونٹس داسہ 2021 و 2022 ٹی مریک۔ کرکٹ نا شیدائی کن خراب ءُ خبر اس کہ کورونا وائرس نا سوب آن اینخو آسٹریلیا ٹی شیڈول ٹی ٹوئنٹی ورلڈ کپ ءِ کینسل کننگا۔ انٹرنیشنل کرکٹ کونسل (آئی سی سی) نا اہم انگا بورڈ دیوان تدوک آ دے ویڈیو لنک آ مس ہراٹی اینخو اکتوبر نومبر اٹ آسٹریلیا ٹی شیڈول ٹی ٹونٹی ورلڈکپ ءِ کینسل کننگ نا پڑو کننگا۔ آئی سی سی نا رداٹ ورلڈ ٹی ٹوئنٹی ایونٹس داسہ 2021 و 2022 اٹ مریک۔ 2021 و 2022 نا ورلڈ ٹی ٹوئٹی ایونٹس نا مہماندار ملک انا فی الحال پڑو ءِ کننگتو وخت اس کہ شیڈول نا رداٹ 2021 نا ورلڈ ٹی ٹوئنٹی بھارت اٹ مروئی ئس۔ بھارت اٹ مروک آ 2023 ون ڈے ورلڈ کپ نا تاریخ ءِ ہم شش تو مونی کننگانے داسہ 2023 نا ورلڈ کپ فروری مارچ نا جاگہ غا اکتوبر و نومبر اٹ گوازی کننگک۔ انٹرنیشنل کرکٹ کونسل نا رداٹ ٹی ٹوئنٹی ورلڈ کپ ءِ کینسل کننگ نا فیصلہ آئی سی سی نا آئی بی سی بورڈ نا دیوان اٹ کننگا۔ آئی سی سی نا چیف ایگزیکٹو منوسوانہے نا رداٹ پنجا اوور نا ورلڈ کپ ءِ مونی دننگ نا مسخت کوالیفائنگ پیریڈ پورو کروئی ءِ۔