پاکستان نا ایران اٹ سراوان دہشت گرد جلہو نا مذمت
Get real time updates directly on you device, subscribe now.
اسلام آباد : پاکستان ایران اٹ سراوان دہشت گرد جلہو نا مذمت ءِ کرینے‘ ہراٹی شش ایرانی سکیورٹی کارندہ زوال مسنو۔ دفتر خارجہ غان جاری بیان اٹ ایران اٹ سراوان دہشتگرد جلہو نا مذمت کننگانے و است ہسون کروک واقعہ غا ماتنی خاہوت و ایرانی حکومت تون است ہسونی نا درشانی کننگانے۔ ترجمان دفترخارجہ ممتاززہرہ بلوچ ایرانی حکومت زہمی خاہوت آتتون یکجہتی نا درشانی کرے۔ ترجمان دفتر خارجہ دہشتگردی نا چٹفنگ کن اواری اٹ کوشست کننگ نا زور شاغسا پارے کہ پاک ایران سیم ءِ پاکستان امن وسنگتی نا سیم انا وڑ اٹ ہُرک و دا مسخت کن ایران تون اواری اٹ کاریم کننگ کن پرعزم ءِ۔
(آن لائن)