سیمی علاقہ ٹی ایرانی فورس آتیا جلہو، 6 کارندہ زوال
جلہو پاکستان نا صوبہ بلوچستان آن کننگا، جنگ اٹ منہ ایرانی کارندہ ٹھپی ہم مسنو، ایرانی سرکاری ٹی وی نا دوبہ
Get real time updates directly on you device, subscribe now.
چاغی : پاکستان ناصوبہ بلوچستان آن ایران اٹ پاننگوک وڑ دراندازی نا کوشست کننگا‘ دا وخت آ جنگ اٹ ایرانی فورس آتا شش کارندہ زوال مسر‘ ایران نا سرکاری ٹی وی نا رپورٹ نا رد اٹ دا جنگ ایران نا سویل دے ٹکی صوبہ سیستان اٹ مسنے۔ خبر رساں ادارہ ایسوسی ایٹڈ پریس نا رد اٹ ایرانی صوبہ سیستان نا علاقہ سراوان اٹ مروک دا جنگ اٹ منہ ایرانی کارندہ نا ٹھپی مننگ نا ہم ڈہ ارے۔ ایران نا صوبہ سیستان پاکستانی صوبہ بلوچستان نا سیم آٹے ہراکہ ایرانی دارالحکومت تہران آن 850 میل انامُری آٹے۔ ایرانی سرکاری ٹی وی نا رپورٹ اٹ پاننگانے کہ نادرست سلہہ بند بندغ آک تینا ٹھپی تتون اوار نرنگ اٹ سرسہب مسر۔ دا واقعہ نابابت پین سرجم فراوان کننگ تنے‘ رپورٹ آتا رد اٹ ارا سیمی رکھوک جنگ اٹ ٹھپی ہم مسنو وخت اس کہ دا جلہو نا زمواری ءِ اسہ پڑک اس ہم داسکان امنا کتنے و نئے دانازمواری ءِ پڑک اسے آ شاغنگانے۔ ہراعلاقہ ٹی دا واقعہ پیش بسنے او ایران نا کل آن کم شون ہلوک علاقہ ءِ۔ اے پی نا رد اٹ دا علاقہ ٹی سنی فرقہ نا مخلوق نا آبادی زیات ءِ ہرافتا تعلقداریک ایران نا شیعہ حکمران تتون بھلو وخت اسے آن خراب ءُ۔
(آن لائن)