حج 2023، پاکستانی مراد وند آتا مدینہ ٹی جم و جوش اٹ بیا بخیر

0

Get real time updates directly on you device, subscribe now.

مدینہ منورہ/ اسلام آباد : حج 2023،پاکستانی مرادوند آتا اولیکو قافلہ وزارت مذہبی امور نا فراوان کروک ہنکین اٹ سرمس ہراڑے پاکستانی مرادوند آتے جم وجوش اٹ بخیرکننگا و مدینہ منورہ غا بننگ آ پاکستانی مرادوند آتے ٹیکی تننگا‘ دا مرادوند آک مدینہ منورہ ٹی 8 دے رہینگرہ و عبادت کیرہ۔مدینہ ٹی بننگ آ پاکستانی حج مشن و سعودی کمامدار آتتون اوار ڈائریکٹر مکہ فہیم خان آفریدی، سجاد یلدرم و ڈی جی سید مشاہد حسین اوفتے بخیر کریر وخت اس کہ ڈی جی حج عبدالوہاب مرادوند آتے روضہ رسول صلی اللہ علیہ وسلم نا مون آ بخیر کرسا پارے کہ پاکستانی مرادوند آک 8 دے مدینہ منورہ ٹی رہینگ انگ آن پد مکہ مکرمہ غا راہی مریرہ۔ پاکستان آن 17 دے اسکان جہاز آک مدینہ منورہ غاسرمریرہ و مراد وند آتے مدینہ ٹی رہینگ نا کل آسراتی فراوان کننگرہ۔ داوخت آ ڈائریکٹر حج مدینہ ضیاء الرحمن پارے کہ پاکستانی مرادوند آک سعودی کانود آتا احترام ءِ کیر‘ او پارے کہ مرادوند آتیکن طعام نا جوان بست وبند کننگانے۔ او پارے کہ مرادوند آتے مدینہ منورہ غاسرمننگ آن پد ریاض الجنہ ٹی پڑک آتا دروشم اٹ نفل خوانفنگک۔

(آن لائن)

Get real time updates directly on you device, subscribe now.

Leave A Reply

Your email address will not be published.