روچہ مبارک اٹی رکھی گام گیج آتتون مسیت آتے ملنگ نا فیصلہ کننگانے

0

Get real time updates directly on you device, subscribe now.

اسلام آباد (اے پی پی) وزیراعظم نا خصوصی کمکار حوالکاری وشینکاری ڈاکٹر فردوس عاشق اعوان پارینے کہ روچہ مبارک اٹی رکھی گام گیج آتتون مسیت آتے ملنگ نا فیصلہ ءِ کننگانے، حکومت و عالم دین تا نیام اٹ امنائی اعلامیہ ناخلاف ورزی مس تو کارروائی مریک، بروک آ جمعہ مبارک ءِ یوم توبہ و یوم رحمت نا وڑاٹ اڈتننگک، مدرسہ غاتا چناتے کن ہم اُراٹی تعلیم نا پروگرام اس اتنگک۔ داخیال آتا درشانی ءِ او دوشنبے نادے آ بنجائی وزیر مذہبی امور و بین المذاہب ہم آہنگی پیر نورالحق قادری تون اوار میڈیا تون گپ وتران کرساکرے۔ خصوصی کمکار حوالکاری وشینکاری پارے کہ وزیراعظم عمران خان نا وڑن ءِ کہ کورونانا تالانی ءِ توننگ تون زند انا نظام ءِ ہم چلیفوئیءِ ، عالم دینک وزیراعظم نا کوشست آتے خراج تحسین پیش کریر۔ اوپارے کہ روچہ مبارک اٹی مسیت آتے ملنگ نا فیصلہ ءِ کننگانے ولے عالم دین تے مسیت آتے ٹی 20ٹکی اعلامیہ غا من و عن عمل کروئی مریک، اعلامیہ نا خلاف ورزی مس تو کارروائی مریک۔ اوپارے کہ مدرسہ غاتاچناتے کن ہم اُراٹی تولوک تعلیم نا پروگرام اس اتنگک، کورونا بھلو چیلنج اسے ، ایمانی قوت تون دانا مقابلہ ءِ کروئی ءِ۔ اوپارے کہ وزیراعظم عمران خان خواہک کہ مسیت آک آباد مریر و ساڑی حالیت آتارداٹ عبادت اٹی خصوصی دعاکننگے، بروک آ جمعتہ المبارک ءِ یوم توبہ و یوم رحمت نا وڑاٹ اڈتننگک۔ اوپارے کہ وزیراعظم عمران خان پارت کرینے کہ لاک ڈائون اٹی ہرا عالم دین، خطیب و نمازی تے دزگیر کننگانے اوفتا یلہ کننگ نا مہالو آن پرمان کرینٹ ولے اگہ داسہ ہم داوڑنا بندغ اس دزگیر ءِ تو اودے دمدستی یلہ کننگے، وزیراعظم عمران خان مدرسہ غاتے بے سود وام تننگ کن وزارت خزانہ ءِ حکمت عملی اس جوڑ کننگ ناپارت کرینے۔ اوپارے کہ وزیراعظم خواہک کہ عالم دینک کورونا نا برخلاف جنگ اٹ ہر اول دستہ نا کڑد ءِ اداکیر و داڑکن حکومت اوفتے ہروڑنا کمک فراوان کیک۔

Get real time updates directly on you device, subscribe now.

Leave A Reply

Your email address will not be published.