لاک ڈاﺅن اٹ کل آن زیات دیہاڑی دار مزورکار تپّہ زہمی مسنے‘میرسکندر عمرانی

0

Get real time updates directly on you device, subscribe now.

تمبو (آن لائن) صوبائی پارلیمانی سیکرٹری بلوچستان ڈویلپمنٹ اتھارٹی میر سکندر خان عمرانی پارینے کہ بلوچستان اٹ کورونا نا سوب آن لاک ڈاﺅن اٹ کل آن زیات دیہاڑی دار مزورکار تپّہ زہمی مسنے و زہمی مروک دیہاڑی دار مزورکار آتے راشن فراوان کننگ کن وزیراعلیٰ بلوچستان ہر حلقہ کن یک ونیم یک ونیم کروڑ ریلیز کرینے زوت دیہاڑی دار مزورکار آتے اوفتا اُراتے ٹی راشن سر کننگک۔ کورونا نا ٹیسٹ کن ڈیرہ مرادجمالی نا سول ہسپتال اٹ پوسکن ءُ لیبارٹری اس جوڑ کرفنگ انگ ءِ۔ دا خیال آتا درشانی ءِ او سول ہسپتال اٹ کورونا BSL3لیبارٹری نا تفنگ نا بنداو ءِ تخنگ آن پد میڈیا تون ہیت وگپ کرسا کرے۔ داوخت آ ڈی ایچ او نصیرآباد ڈاکٹر عبدالمنان لاکٹی، ایم ایس سول ہسپتال ڈاکٹر ایاز جمالی، گورنمنٹ کنٹریکٹر تارا چند و بی اینڈآر نا سب انجنیئر عابد علی پہنور ہم ساڑی ئس۔ میرسکندر خان عمرانی پارے کہ کورونا ناسوب آن لاک ڈاﺅن آن واپاری تپّہ تون اوار کل آن زیات دیہاڑی دار مزورکار تپّہ زیات زہمی مسنے۔ صوبائی حکومت ءِ لاک ڈاﺅن آن پوریاگر دکاندار تا نسخان تا سماءِ ولے کورونا نا سوب آن بیوسی اٹ دا وڑانا گام گیج کننگ انگ ءِ۔ او پارے کہ پاکستان کن بروک آ 20دے کورونا نابابت بھاز اہم ءُ دا دے تے ٹی الس ءِ بھاز رکھی گام گیج کننگ ناگرج ءِ۔ او پارے کہ وزیراعلیٰ بلوچستان جام کمال خان ناکنڈآن نصیرآباد نا الس کن کورونا دَین BSL3لیبارٹری نا تعمیر اہم ءُ گام اسے ہراٹی پوسکن ءُ مشینری خلنگک ہراڑان الس ءِ ہڑدے نابنداو آ کورونا تون اوار ہر ناجوڑی نا ٹیسٹ انا آسراتی دوئی مننگ کیک۔

Get real time updates directly on you device, subscribe now.

Leave A Reply

Your email address will not be published.