صوبہ نا ہرچناءِ تعلیم نا سہت آن شپ کننگ حکومت نا زمواری ءِ ، گورنر بلوچستان

0

Get real time updates directly on you device, subscribe now.

کوئٹہ (اے پی پی) گورنر بلوچستان امان اللہ خان یاسین زئی پارینے کہ صوبہ نا ہرچناءِ تعلیم نا سہت آن شپ کننگ حکومت نا زمواری ءِ ، پرائمری کہول آ تعلیم ءِ مون آ دننگ و تعلیم آن مُر علاقہ غاتے ٹی اسکول جوڑ کننگ نا بابت بلوچستان ایجوکیشن فاونڈیشن نا بنداوی ءُ کڑد اسے۔ او پارے کہ نن صوبہ نا مر انگا ضلع خاص وڑ اٹ خلقی آ علاقہ غاتے ٹی تعلیم نا فراوانی ءِ پک کننگ آ پبی چکار کرینن۔ المی آ گڑاتا فراوانی تون اوار اوار بلوچستان ایجوکیشن فاونڈیشن نا 639اسکول آتا استاد آتا کاریم نا کچ اٹی ودکی نا بابت ہم شعوری کوشست کننگ انگ ءِ۔ داخیال آتا درشانی ءِ او دوشنبے نادے آ گورنرہاوس کوئٹہ ٹی بلوچستان ایجوکیشن فاونڈیشن نا بورڈ آف ڈائریکٹر آتا دیوان نا کماشی ءِ کرسا کرے۔ داوخت آ صوبائی سیکرٹری ایجوکیشن غلام علی بلوچ، سیکرٹری فنانس نورالحق بلوچ، بلوچستان ایجوکیشن فاونڈیشن نا ایم ڈی جسٹس ریٹائرڈ نادر تون اوار بی ای ایف نا غٹ باسک آک ہم ساڑی ئسر۔ دیوان اٹی بلوچستان ایجوکیشن فاونڈیشن نا کارکڑد و آخبت نا لائحہ عمل آ شرہ کننگا۔ بشخ ہلوک آ دیوان ءِ سلابت و سلاہ و سوج آتے ٹی کیہی اہم ءُ فیصلہ کننگا۔

Get real time updates directly on you device, subscribe now.

Leave A Reply

Your email address will not be published.