اوستہ محمد ‘داڑیلی نا واردات آک ولدا بنا کریر‘داڑیل آک ٹریکٹر اس پلار
Get real time updates directly on you device, subscribe now.
اوستہ محمد (آن لائن) اوستہ محمد اٹ داڑیلی نا واردات آک اسہ وار ولدا بنا کریر‘ صدر تھانہ نادنگ اٹ میسی ٹریکٹر ٹرالی و پُگ مشین تون اوار داڑیل آک لیاقت علی عمرانی نا ڈیور ءِ پیرل آباد اٹ تفیر و ٹریکٹر ءِ دریر‘ حوال نا رد اٹ اوستہ محمد نا علاقہ ٹی اسہ وار ولدا داڑیلی نا واقعہ غاک بنا کرینو‘ تدوک آ نن صدر تھانہ نا دنگ حدود پیرل آباد اٹ پنچ داڑیل لیاقت علی عمرانی نا ڈیور ءِ ہلکر و اوڑان میسی ٹریکٹر، ٹرالی و پگ کروک مشین ءِ دریر و ڈیور ءِ الار‘ مالک ءِ ڈہ رسینگا تو او پدبین نا کمک اٹ ایس ایچ او صدر امجد جمالی پولیس و کارندہ غاتون اوار محبت شاخ گوٹھ منظور خان نا خڑک آ ٹریکٹر ءِ دوئی کریر‘ مستی کارروائی کننگ انگ ءِ۔