کلی جھالوار آن کلی باسط روڈ انا کاریم ہیبدار ءِ‘جاست پاست کننگے‘میر زابد ریکی

ماشکیل (آن لائن) جمعیت علماءاسلام نا صوبائی اسمبلی نا باسک حاجی میر زابد علی ریکی یک مچ ٹو خاران سی پیک روٹ واشک نا علاقہ جھالوار ٹو کلی باسط سی پیک روٹ انا تعمیراتی کاریم نا جاچ ءِ ہلک‘ ایم پی اے واشک روڈ انا تعمیراتی کاریم ءِ ہیبدار گوندسا پارینے کہ محمدحسنی بلڈر مسہ ارب نا پروجیکٹ ءِ بھس کننگ اٹی ءِ‘ روڈانا کاریم نا ارت ورک بھس‘ ترائی اف آن حساب مننگ تون اوار ایرانی سرمٹ کاریم اٹ اتنگ انگ ءِ‘ وخت اس کہ سرکار ناکنڈآن چار سوت نا سریا اسٹیمیٹ اٹ اوار ءِ ولے محمدحسنی بلڈر ہیبدار و دونمبر سریا کاریم اٹ اتسا پول آتے ٹی ہیبدار کاریم کننگ اٹی ءِ۔ حاجی میر زابد علی ریکی پارے کہ یک مچ ٹو خاران سی پیک روڈ انا کلی جھالوار آن کلی باسط روڈ انا کاریم ہیبدار ءِ۔ او پارے کہ این ایچ اے و حکومت بلوچستان چیف سیکرٹری بلوچستان دمدستی انکوائری ٹیم ٹہیفسا ہیبدار کاریم نا جاست پاست کرفنگے۔