بنجائی حکومت نا سلہہ بند ٹولی تا جلہو تیا جے آئی ٹی جوڑ کننگ نا فیصلہ

اسلام آباد : بنجائی حکومت پولیس و عدالت آ سلہہ بند ٹولی تا کنڈآن بیدادی آ ساڑی جلہو تا جاست پاست کن جے آئی ٹی جوڑ کننگ نافیصلہ کرے‘ حوالی نا رد اٹ جے آئی ٹی جوڑ کننگ نا فیصلہ ءِ تدوک آدے حکومت اٹ اوار جماعت آتا دیوان نافیصلہ نا رد اٹ کننگا، ہائی پاورڈ جے آئی ٹی جوڑ کننگ نا سمری ءِ تیار کننگا‘ وزارت داخلہ جے آئی ٹی نا جوڑ کننگ نا سمری ءِ وزیراعظم آ راہی کیک‘ حوالی نا رد اٹ جے آئی ٹی ٹی وزارت داخلہ، پولیس نا سینئر افسر آک اوار مریرہ‘ جے آئی ٹی ٹی حساس ادارہ غاتاافسر آک ہم اوار مریرہ۔ جے آئی ٹی ہفت دے اٹ پٹ وپولی رپورٹ پیش کیک‘ جے آئی ٹی جوڈیشل کمپلیکس اسلام آباد اٹ پولیس آ بیدادی تا جاست پاست ءِ کیک‘ پٹرول بمب جلہو‘ کالعدم تنظیم تا ہیلکار عسکریت پسند آتا بابت راستکی تے مچ کننگک‘ جوڈیشل کمپلیکس نا گیٹ ءِ پرغنگ‘ خل کاری‘ موٹر سائیکل وگاڈی تے ہشنگ نا کل شاہدی تے مچ کننگک‘ میرات آتے نسخان رسیفنگ‘ خاکر خلنگ‘ سرکار نا کاریم اٹ نیام تمنگ و بیدادی تا پہلو تے ہننگک‘ پولیس آ دیر آنسوگیس نا شیل خسا‘دیر تس تا دادے ہم پک کننگک‘ جے آئی ٹی ریاستی ادارہ غاتا برخلاف الس ءِ خاخر تننگ‘ بیدادی کرفنگ نا زموار تے پک کیک۔ جے آئی ٹی نا رپورٹ نا رد اٹ حکومت مستی کانودی کاررروائی کننگ نافیصلہ کیک۔ بنجائی وزیر حوالکاری و شینکاری مریم اورنگزیب پارینے کہ دہشت گرد ڈکوئی اٹ عدالت آ بریک، وخت مراف، مون ءِ ڈکسا بروئی تمک، پولیس نا کاٹم ءِ پرغنگ، پیٹرول بمب خسنگ، جوڈیشل کمپلیکس آ سلہہ بند جتھ آتیان جلہو گیر مننگ آن پد زائیفہ نا خلیس؟ مریم نواز نا نیب سیل اٹی کیمرہ خلسا تینا موبائل آ ہراکہ، ہمووخت آ شرم و حیائس؟ سے شنبے نادے آ تینا ٹویٹ اٹی بنجائی وزیر مریم اورنگزیب پارے کہ مریم نواز نا بیڈروم اٹی نن آ پترینگ انگ ناآرڈر ترسا شرم بسوسس؟ شہباز شریف نا مسڑ نا اُرا غا نیب ءِ جلہو کننگ نا پرمان ترسا شرم بس؟ فریال تالپور ءِ عئید آہسپتال آن گِرکرسا اتسا و مسجد نبوی و لندن اٹ کنے آ جلہو کرفسا شرم بس؟ پنکی باجی ءِ ہیرا، چلوہلسا خلیس و پوہاڑ کریکہ؟۔

(آن لائن/اے پی پی)