گچین کاری تے کٹان تو سازش کروک آتیان حساب ہلیوہ، عمران خان

لاہور: پاکستان تحریک انصاف نا چیئرمین عمران خان پارینے کہ بروک آ گچین کاری تے ٹی کٹان تو تینا خون نا سازش کروک آتیان حساب ہلیوہ۔ عرب میڈیا ءِ تروک انٹرویو ٹی عمران خان پارے کہ کنے یقین ءِ کہ توشہ خانہ کیس اٹ ای یلہ مریوہ‘ او پارے کہ حکومت ءِ سماءِ کہ کنے خلنگ ناگمانک ساڑی اریر ولدا ہم سکیورٹی نا بست وبند مفننگ اٹی ءِ‘ بروک آ گچین کاری تے ٹی کٹان تو تینا خون نا سازش کروک آتیان حساب ہلیوہ۔ لاہور ہائی کورٹ اٹی پنجاب حکومت چیئرمین تحریک انصاف نا برخلاف پنجاب اٹی درج مقدمہ غاتا سرجم آتے پیش کرے ہرانا رداٹ پنجاب اٹی عمران خان نا برخلاف جم وڑاٹ 6 مقدمہ نوشتہ ءُ ہرافتیان اِرٹ ءِ خارج کننگانے۔ لاہور ہائی کورٹ عمران خان نا وکیل آتا درخواست آ پنجاب حکومت آن نوشتہ مقدمہ غاتا سرجم آتے بٹنگاسس۔ عدالت اٹی جمع کرفوک آ سرجم آتا رداٹ عمران خان نا برخلاف پنجاب اٹی شش مقدمہ درج ءُ 2 مقدمہ غاتیٹی عمران خان ءِ ڈسچارج کننگانے وخت اس کہ عمران خان نا برخلاف 4 مقدمہ ٹی تفتیش زیر التوا ءِ، عمران خان نا برخلاف تھانہ سرور روڈ کارندہ ظل شاہ نا زوال و ریس کورس توڑ پھوڑ نا مقدمہ نا جاست وپاست برجاءِ۔ عمران خان نا برخلاف مدینہ ٹاؤن و نیو ایئر پورٹ راولپنڈی ٹی مقدمہ غاتے خارج کننگانے۔ یات سلے کہ چیئرمین پی ٹی آئی عمران خان نا زمان پارک پولیس آپریشن نا برخلاف توہین عدالت نادرخواست و لاہور پولیس نا برخلاف پکڑ و دھکڑ نا برخلاف درخواست آتے سماعت کن منظور کننگانے وخت اس کہ لاہور ہائی کورٹ نا جسٹس طارق سلیم شیخ درخواست آ سماعت کیک۔

(آن لائن/اے پی پی)