پاکستان تون سوگو شریداری السی زند آتیٹی گچینی کن ءِ، امریکی سفیر

اسلام آباد : پاکستان اٹ امریکی سفیر ڈونلڈ بلوم پارینے کہ ننا سوگو شریداری پاکستانی و امریکی الس نا زند اٹ گچنی اتسا کیک و جہانی کہول آ مثبت زہم شاغک۔ یو ایس پاکستان گرین الائنس دانا گچین ءُ مثال اسے‘ امریکی سفیر ڈونلڈ بلوم دا خیال آتا درشانی ءِ سینٹر فار ایرو اسپیس اینڈ سیکیورٹی اسٹڈیز ناکنڈآن لیکچر ”اکستان امریکہ تعلقداریک“ دی وے فارورڈ نا سرحال آ ایمبیسڈر لیکچر اٹ کرے۔ ترجمان فضائیہ نا رد اٹ سفیر بلوم، ہراکہ اسہ آزموندہ کار ءُ سفارتاکار اسے‘ ہرا داکان مست تیونس اٹ کاریم کرینے او ہڑتوم آملک آتا نیام اٹ 75سال انا تین پہ تینی تعلقداری‘ خاص وڑ اٹ دہائی تیا ساڑی شونداری شریداری تیا گپ وتران کرے‘ او مچ آ ملک اٹ اسکول‘ ہسپتال و شاہراہ تا تعمیر تون اوار اسکالر شپ پروگرام نا کمک اٹ تعلیم کن کمک نا کوشست آتے مون آ اتنگا‘ اومستی پارے کہ پیشن ملک رہینگوک پاکستانیک ذاتی و کسبی وڑ اٹ رابطہ غاتا اسہ ہندن ءُ نیٹ ورک اس جوڑ کرینو ہرا پاک امریکہ تعلقداری تا بنداو ءِ سوگو کرینے۔ سفیر بلوم قدرتی آفت تون مون تننگ کن کروک گام گیج آتیا ہیت کرسا 2005 نا زمی جمب و 11-2010 آن ہلیس داسہ نا (2022)  نا نوکاپ آن بروک بھس کاری نا زہم تے کم کننگ کن کمک نا فراوانی ءِ پک کننگ نا گرج آ زور شاغا۔ سفیر جلیل عباس جیلانی، سلاہکار امور خارجہ ناکنڈآن نظامت نا فرض آتے سر کننگا‘ لیکچر آن پد سفیر وشریدار آتا نیام اٹ سوج ورندی نا دور مس ہراٹی حاضر سروس و ریٹائرڈ فوجی افسر، تعلیم ناچاہندار و سفارتکار آک اوار ئسر‘ تینا گڈیکو ہیت آتے ٹی صدر کیس ایئر مارشل (ریٹائرڈ) فرحت حسین خان مہمان نا منت ءِ ہرفے و اومیت درشان کرے کہ پاک امریکہ تعلقداری تا سوگو آ بنداو اوفتا تین پہ تینی تعلقداری خاص وڑ اٹ جامع اقتصادی شونداری و علاقائی امن ءِ پین شون ایتک۔

(آن لائن)