شونداری بیرہ سِخت اٹ بفک، قربانی تروئی تمک، چیف جسٹس

کوئٹہ : چیف جسٹس آف پاکستان جسٹس عمر عطاء بندیال پارینے کہ شونداری بیرہ نیت اٹ مفک اوڑکن قربانی تروئی مریک‘ ساڑی حالیت نا خواست دادے کہ نن اسہ قربانی نا جوزہ اٹ اسیجامرسا مونی گام کین‘ یقین ترفنہ آئین وکانود نا رد اٹ فیصلہ کینہ‘ نن عدلیہ‘ سپریم کورٹ اٹ تولسا ہرا گڑانا عزم ءِ کینہ او دادے کہ داڑے کانود نا بالادستی مرے‘ است ہسونی دادے کہ داڑے داخس شونداری متنے ہراخس دا ڈیہہ انا حق جوڑ مریک‘ ہراتم آن ای بسونٹ‘ ہندا خیال ءِ کہ انتئے بلوچستان اٹ شونداری مفننگ ءِ‘ داخس وسیلہ ارے‘ ادارہ غاتا رکھ ءِ کننگ و اوفتے سوگو کننگ ءِ آئین اولیت ایتک‘ وکیل آک امر بالمعروف و نہی عن المنکر، پُہہ مریر کانود نا بالادستی معروف امر ءِ‘ اوڑا عمل کیر و اودے مونی دیر۔کوئٹہ ٹی اڈ ہلوک دود آن تران کرسا چیف جسٹس عمر عطا بندیال پارے کہ مہالو نمے آن مُر اسلام آباد اٹ ئسن‘ وخت وخت بسنہ وداسہ 30 سال آن پد تینا جند انا اُرا تننگانے‘ نن داڑے کاریم کینہ ولے نم کمک کیرے۔ چیف جسٹس پارے کہ نن عدلیہ‘ سپریم کورٹ اٹ تولنہ ہرا گڑانا عزم ءِ کینہ او دادے کہ داڑے کانود نابالادستی مرے‘ داڑے ہرا حق آتے آئین وکانود تسنے اوفتا نفاذ مرے و داڑکن مدا سنبرینگوک ان۔ او آئین وکانود نابالادستی آ زور شاغساپارے کہ ننے بھاز ڈکھ مریک ہراتم مخلوق ضلعی عدالت آتے ٹی کاہک و بدتمیزی کیک ولے دادے سگنگ کپنہ۔ چیف جسٹس پارے کہ داڑے تینا سنگت آتتون اوڑدہی کننگ آن بھاز خوش مسٹ و داڑے بھاز لائخی خننگک ولے کنا است ہسون مریک کہ داڑے ہموخس شونداری متنے ہراخس دا ڈیہہ انا حق مریک وداٹی نن بیرہ ریاست ءِ زموار گوندنگ کپنہ بلکہ داٹی نن کل انا بشخ ارے ہرادے بایدے نن شاغن تاکہ دا راج اٹ امن و سکون اتین‘ داڑے شونداری نا کل اہم انگاامور تعلیم‘ خواری‘ راستکی‘ دیانتداری کل اوار مرسا شونداری ناکسر مریرہ۔ چیف جسٹس عمر عطابندیال پارے کہ ہراتم آن ای دارے بسونٹ ہندا خیال ءِ انتئے دا صوبہ ٹی شونداری مفننگ ءِ‘ داخس جوان ءُ بندغ ءُ‘ داخس وسیلہ ارے‘ دا وسیلہ غاتیان پد ہم ہمو ہرا ویل ءِ کہ نن شون ہلتنن‘ اوپارے کہ نم ہمو ویل آتے مون آ اتیرے ہرافتا کمک اٹ نن عدالت آنبار فیصلہ کننگ کین تاکہ دا عمل اٹ مخلوق نا ہرا کاریم مسنے‘ چاہے او ریاست‘ پوریاگر برادری یا خراج تروک آک ءُ‘ نن ہمو کل ءِ پاننگ کین کہ کانود‘ شونداری وشونہالی ناکسر دادے‘۔ چیف جسٹس پارے کہ شونداری بیرہ نیت اٹ مفک‘ شونداری کن قربانی تروئی مریک‘ تینا ملک انا اینو پگہ نا حالیت آتے خننگ اٹی ان بھاز المی ءِ کہ نن قربانی نا جوزہ اٹ مونی گام کین‘ کل اسیجا مرسا گام کین‘ اوپارے کہ باور کرفنہ کہ آئین وکانود نا وڑ اٹ فیصلہ کینہ‘ ننا اسٹ ایلو تون ہرا اختلاف آک ءُ اوفتے اینک کین‘ دا ہندن ءُ وخت اسے دا چرجوئی مونی کاہے و تینا فیصلہ غاتے ٹی نن باور کرفنہ‘ آئین وکانود اٹ ہرا گڑا پیدوار ءِ اونا وڑ اٹ فیصلہ کینہ‘ داوخت اسکان ہرا فیصلہ غاتے ہم کرینن چاہے او جھیڑہ ئی مریر یا مفس‘ اوفتے ٹی نن آئین نا نفاذ نا کوشست کرینن۔

(آن لائن)