بارکھان واقعہ، محکمہ داخلہ بلوچستان نا کنڈ آن جے آئی ٹی اس ٹہیفنگا

کوئٹہ : بارکھان واقعہ نا جاست پاست کن محکمہ داخلہ بلوچستان جے آئی ٹی اس ٹہیفینے۔ صوبائی حکومت نا اعلامیہ نا رد اٹ جے آئی ٹی نا چیئرمین ڈی آئی جی لورالائی ڈویژن ءِ پن کننگانے وخت اس کہ ایلو باسک آتے ٹی ایس ایس پی انسٹی گیشن کوئٹہ، اسپیشل برانچ بارکھان نا نمائندہ اوار ءِ۔ جے آئی ٹی باسک پن کننگ کیک۔ پنچ باسکی جے آئی ٹی 30 دے اٹ تینا رپورٹ ءِ جوڑ کرسا پیش کیک۔ صوبائی وزیر داخلہ میر ضیاء اللہ لانگو نا رد اٹ وزیراعلی ناپرمان آ نن جے آئی ٹی ٹہیفینن‘ واقعہ نا بے کنڈ ہلوک جاست پاست کرفنہ‘ واقعہ غان مست کل کمشنر آتے نجی جیل تا بابت جم رپورٹ جوڑ کننگ نا پرمان کننگاسس۔او پارے کہ کمشنر آتا کنڈآن ہچ ءُ نجی جیل اسے نا نشاندہی کننگتویسس۔

(خ ن)