بلوچستان اٹی سیمی واپار ءِ پین آسان کننگ نا گرج ءِ،صدر علوی

0

Get real time updates directly on you device, subscribe now.

گوادر: صدر مملکت ڈاکٹر عارف علوی ملکی برآمد آتا شون تننگ و بلوچستان نا سیمی علاقہ غاتا خڑک رہینگوک آ مخلوق ءِ روزگار فراوانی کن ہمسائے ملک آتتون سیمی واپار ءِ پین آسان کننگ نا گرج آ زور شاغانے۔ او پارے کہ تعلقدار اسٹیک ہولڈر آک سیمی واپار اٹی ودکی و بلوچستان نا مُر انگا علاقہ غاتیٹی شونہالی اتنگ کن سڑک آتا بنداوی پنجر، ءِ اپ گریڈ کیر، ٹیلی کمیونیکیشن نا آسراتی تا فراوانی ءِ ہم پک کننگے، کراسنگ پوائنٹ آتیا بینکنگ چینل جوڑ کرسا ساڑی سیمی علاقہ غاتے کل آسراتی تے تننگے۔ صدر مملکت دا پرمان تے گوادر اٹی بلوچستان نا بارڈر اینڈ ٹریڈ مینجمنٹ نا بابت فالو اپ دیوان نا کاشی ءِ کرسا کرے۔ دیوان اٹی وزیر اعظم نا واپار و سرمایہ کاری سلاہکار عبدالرزاق داؤد، گورنر بلوچستان سید ظہور احمد آغا، وزیر اعلیٰ بلوچستان عبدالقدوس بزنجو، کمانڈر 12 کور لیفٹنٹ جنرل سرفراز علی، کمانڈر کوسٹ پاکستان نیوی، ریئر ایڈمرل جاوید اقبال، کمانڈر ویسٹ پاکستان نیوی، ریئر ایڈمرل جواد احمد، چیئرمین ایف بی آر، ڈاکٹر محمد اشفاق احمد، چیئرمین سی پیک اتھارٹی، خالد منصور، چیئرمین اوگرا مسرور خان و چیف سیکرٹری بلوچستان مطہر نیاز رانا و حکومت نا بڑزکو کہولی کمامدار آک بشخ ہلکر۔ دیوان ءِ 3 جنوری 2022ء آ ایوان صدر، اسلام آباد اٹی مروک میٹنگ آتیٹی حکومت بلوچستان نا کنڈ آن چست کروک چندی ویل آتا حالیت آ بریفنگ تننگا۔ دیوان ءِ سیمی واپار نا ویل و گوادر نا کرکی علاقہ غاتیٹی غیر کانودی ماہی گیری نا بابت ہم معلومدار کننگا۔ دیوان اٹی دا ہیت ءِ پاش کننگا کہ گوادر نا شاری تا بنداوی گرج آتا فراوانی کن المی بنداوی کاریم 06 تُو اٹی پورو کننگک۔ چیئرمین سی پیک اتھارٹی پارے کہ گوادر نا الس ءِ 1.2 ملین گیلن دے انا (ایم جی ڈی) دیر انا فراوانی ان ڈٹ 6 تُو اٹ پورو کننگک۔ دیوان ءِ گوادر ایئرپورٹ و ہسپتال نا شونداری نا بابت پیشرفت نا ردا ٹ ہم بریفنگ تننگا۔

Get real time updates directly on you device, subscribe now.

Leave A Reply

Your email address will not be published.