بلوچستان نا ساڑی حکومت کرپشن ءِ ماس کش کرینے، صوبائی وزیرک

کوئٹہ(آن لائن)صوبائی وزیرک و اتحادی جماعت آتا پارلیمانی لیڈر آک بلوچستان نا حکومت نا ارا سال انا کارکڑد آ اُست خواہی نا درشانی ءِ کرسا پارینے کہ ساڑی حکومت وڈی خوری ءِ ماش کرینے، وخت اس کہ 2سال اٹی کل بشخ آتیٹی اسہ وڑ شونداری تننگانے وخت اس کہ سیاست نا جاگہ غا گرج انا بنداو آ حکومتی واپوزیشن حلقہ غاتے ٹی بریبری ٹی ڈٹ تننگانے، ساڑی صوبائی حکومت اٹ اوار جماعت آک اُلس نا ویل آتا ایسری ءِ اسہ چینلج اس تکسا حکومت اٹ بسر، ننا حکومت نا کارکڑد نا فیصلہ بروک آ وخت اٹ اُلس و میڈیا نا سنگت آ کیرہ، بلوچستان اٹ آباد ہر اسہ زبان یا قوم آن تعلق تخوک آ  بلوچستانی اسے او ننکن کل بربیر ءُ ساڑی حکومت نہ تو سیاسی بنداو آتیا کس اسے نا برخلاف انتقامی کارروائی کرینے او نہ کس اسے سیاسی بنداو آ ٹارگٹ کرینے۔ دا خیال آتا درشانی ءِ صوبائی وزیرک میر ظہوراحمد بلیدی،سرداریارمحمد رند، سردار عبدالرحمن کھیتران،میر اسد اللہ بلوچ و عبدالخالق ہزارہ آفیسر کلب اٹ حکومت نا 2سال انا کارکڑد نا بابت میڈیا ءِ بریفنگ ترسا کریر۔