ملک شونداری نا کسر ءِ ہلکنے،حکومت

 اسلام آباد(آن لائن) بنجائی حکومت پارینے کہ ملک شونداری نا کسر ءِ ہلکنے بروک آ دور شونہالی نا ءِ، اولیکو وار ہچ ءُ حکومت اس تینا کارکڑد ءِ اُلس نا مون آ پیش کننگ اٹی ءِ۔ مالو بیانیہ ئس کنگوئی ءِ خلوئی ءِ داسہ بیانیہ ءِ نہ کننگ ءِ او نہ کننگ کن ہلنگ ءِ، بنجائی کابینہ نا اسہ وزیر اسے نا دامن ہم لپی اف۔ ہڑزان بجلی کن پن بجلی نا کیہی ڈٹ آتیا کاریم مننگ اٹی ءِ نن کوشست کرینن کہ اصول آتا رداٹ تینا فرض آتے پورو کین، نن احتساب، شفافیت، خود احتسابی و میرٹ نا خواہندار اُن، تدوک آ دور تے ٹی وزارت سائنس و ٹیکنالوجی نا بجٹ بھاز کم ئس، ننا کوشست ءِ کہ وزارت سائنس و ٹیکنالوجی ءِ اپلائیڈ سائنس نا کنڈ آ اتین، ہژدہ میکو ترمیم آن پد مشترکہ مفادات کونسل بھاز اہم ءُ فورم اسے، وزارت بین الصوبائی رابطہ سی سی آئی ءِ سیکرٹریٹ فراہم کینہ، پاکستان اسپورٹس بورڈ اٹ اصلاحات اتنگ اٹی اُن۔ اسلام آباد اٹ پاکستان تحریک انصاف نا وزیر تتون پریس کانفرنس کرسا بنجائی وزیر اطلاعات و نشریات سینیٹر شبلی فراز پارینے کہ ملک شونداری نا کنڈ آ ہننگ اٹی ءِ بروک آ دور شونہالی نا ءِ۔ جوان ءُ خبر اپوزیشن کن خراب ءُ خبر ءُ، اپوزیشن ملک اٹ افراتفری و نا اومیتی ودی کننگ اٹی ءُ، وزیراعظم پارینے کہ مافیا تے ہلیپنہ، نن مافیا تا نمائندگی ءِ کروک آتے اسُل ہلیپنہ، اومیت کینہ کہ اُلس ننتون اوار ءِ، ملک شونداری نا کسر ءِ ہلکنے، بروک آ دور شونہالی نا ءِ، قوم ءِ صبر انا میوہ ملنگ اٹی ءِ۔