کوئٹہ، سپریم کورٹ چیئرمین تحریک انصاف نا جند ءِ 24 جولائی آ بٹنگا
Get real time updates directly on you device, subscribe now.
اسلام آباد : سپریم کورٹ کوئٹہ وکیل خون کیس اٹ چیئرمین پی ٹی آئی نا جند ءِ 24 جولائی آ بٹنگا‘ سپریم کورٹ دا وخت آ پراسیکوٹر جنرل بلوچستان نا ورندی جمع کرفنگ کن وارخواہی تننگ نا خواست ءِ منظور کرسا کیس انا سماعت ءِ بروک آ دوشنبے اسکان پد بٹے۔ پنچ شنبے نادے سپریم کورٹ اٹ چیئرمین پی ٹی آئی نا درخواست نا سماعت ءِ جسٹس یحییٰ خان آفریدی ناکماشی ٹی مسہ باسکی بنچ کرے‘ سماعت ناوخت آ جسٹس یحیی آفریدی پی ٹی آئی نا چیئرمین نا وکیل لطیف کھوسہ غان ارفے کہ ریلیف ہلنگ کن درخواست تروک نا جند ءِ پیش مرسا عدالت نا مون آ کاٹم ءِ شیف کروئی تمک‘ چیئرمین پی ٹی آئی ءِ پا کہ اونا جند عدالت اٹ پیش مرے۔ اسہ سوج اسے نا ورندی ٹی وکیل امان اللہ کنرانی پارے کہ کیس اٹ عبدالرزاق شر انا اُرائی آخا اونا مار مدعی ءِ۔ داکان گڈ سپریم کورٹ باندات نا سماعت ءِ دوشنبے 24 جولائی اسکان پدبٹے۔
(آن لائن)