وزیراعظم تون سید نوید قمر، خواجہ آصف و ایمل ولی نا جتا جتا اوڑدہی
Get real time updates directly on you device, subscribe now.
اسلام آباد: وزیراعظم محمد شہباز شریف تون وزیر واپار سید نوید قمر داڑے اوڑدہی کرینے، سید نوید قمر اوڑدہی ٹی سیالکوٹ چیمبر آف کامرس نا کنڈآن ترکی و شام انا زمی جمب آن زہمی تیکن جوڑ وزیراعظم فنڈ اکن 80 لکھ روپئی نا چیک اس پیش کرے۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ اوڑدہی ٹی وزیردفاع خواجہ محمدآصف ہم ساڑی ئسک۔ وزیراعظم سیالکوٹ چیمبرآف کامرس و وزیرواپار نا مصیبت اٹی تموک ترک و شامی ایلم تیکن دا کوشست آتا ستاءِ کرے۔ وزیراعظم محمد شہباز شریف تون وزیر دفاع خواجہ محمد آصف اوڑدہی کرے۔ چارشنبے نادے آ وزیراعظم آفس نا میڈیا ونگ آن جاری بیان نارداٹ اوڑدہی ٹی ساڑی ملکی سیاسی حالیت آتیا گپ وتران کننگا۔ داوخت آ وزیر دفاع وزیراعظم ءِ وزارت نا بابت امور آ سرجم حوال تس۔ وزیراعظم محمد شہباز شریف تون عوامی نیشنل پارٹی نا راہشون ایمل ولی خان و جواد خٹک ئسک اوڑدہی کریر۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ داوخت آ بنجائی وزیر اقتصادی امور سردار ایاز صادق و بنجائی وزیر تعلیم رانا تنویر حسین ئسک ہم ساڑی ئسر۔ اوڑدہی ٹی ساڑی ملکی سیاسی حالیت آتیا گپ وتران کننگا۔
(اے پی پی)