آصف زرداری نا چیف جسٹس نا سیاسی سلاہ نا ستا
Get real time updates directly on you device, subscribe now.
لاہور : مسکوہی صدر آصف زرداری چیف جسٹس سپریم کورٹ ناکنڈآن سیاسی جماعت آتے گچین کاری تابارو اٹ مذاکرات نا سلاہ ناستاءِ کرسا پارینے کہ داڑکن ننے ہم مچٹ وخت تننگے‘ نن ہم اسہ دے آ گچین کاری نا خواہندار ان‘ جاری کروک بیان نا رد اٹ پیپلزپارٹی ناشریک چیئرمین پارینے کہ نن مذاکرات نا بناءِ کرینن تاکہ حکومت نا کل جماعت آک اسہ موقف آ بریر‘ تین پہ تینی مذاکرات آن پد سیاسی مخالف آتتون ہم ہیت کینہ۔ چیف جسٹس ننے مچٹ وخت ایتے‘ نن ہم خوانہ کہ گچین کاریک اسہ دے آمریر۔ آصف علی زرداری پارے کہ چیف جسٹس عمر عطا بندیال نا ریمارکس آک جوان ءُ ہیت ءُ۔ سیاسی جماعت آک اسٹ ایلو تون سلاہ کیر اوکان گڈ سیاسی مخالف آتتون ہم رابطہ کننگک۔
(آن لائن)