ایف سی بلوچستان جانجوڑی سرجز آتے کن وسیلہ تننگ ءِ، کرنل تیمور
Get real time updates directly on you device, subscribe now.
لورالائی : لورالائی آئی جی ایف سی امیر اجمل نا پارت و کمانڈنٹ لورالائی سکاوٹ کرنل تیمور جاوید خان نا جند انا اُست خواہی و کوشست آتا سوب آن ضلع لورالائی نا تاریخ اٹ اولیکو وار روچہ نا تو اٹی اڈ ہلوک نائٹ فٹسال ٹورنامنٹ تینا خوشی ءِ مچ کرسا ایسر مس۔ مچ آ ضلع اان 65 کلب ایونٹ اٹ بشخ ہلکر۔ میچ آتے ہننگ کن ہڑدے بھلو کچ اسے ٹی شیدائیک سپورٹس ایونٹ اٹ تینا بشخندار ءِ پک کرسا جانجوڑ آ کاریم تیٹی اختہ مرسا ایسری دود انا وخت آ جوان آتش بازی نا درشانی ءِ کریر۔ آسمان رنگ رنگی آ آتشبازی آن روشنائی مس۔ دود انا خاص انگا مہمان کمانڈنٹ لورالائی سکاوٹ کرنل تیمور جاوید خان وخت اس کہ ایلو مہمان تیٹی ایجوکیشن آفیسر لورالائی سکاوٹ حمید اللہ بلوچ، سپورٹس آفیسر سید ظفر اللہ شاہ،، تاجر راہشون ملک اختر گل حمزہ زئی ئس۔ او وخت آ سینئر صحافی میاں محمد طاہر بشیر آرائیں،کاکڑ جمہوری پارٹی نا مسکوہی ضلعی صدر ستار کاکڑ، مسکوہی ڈپٹی ڈائریکٹرسوشل ویلفئر گل محمد کاکڑ، انفارمیشن ڈیپارٹمنٹ نا آرٹیکل رائٹر محمود بلوچ تون اوار بھلو کچ اسے ٹی ساڑی ئسر۔
(خ ن)