غیر حاضر آ اُستاد آتا ہچ ءُ ضرورت اس اف‘ ڈی سی زیارت

زیارت : ڈپٹی کمشنر زیارت شبیر احمد بادینی ڈسٹرکٹ ہیڈ کوارٹر ہسپتال زیارت نا ناگمان دورہ ءِ کرے۔ دورہ ٹی او ہسپتال نا میڈیسن سٹور، جتا جتا وارڈ آتا جاچ ءِ ہلک۔ ملازم آتا حاضری رجسٹر ءِ چیک کرے۔ ہسپتال نا ایم ایس ڈاکٹر عرفان الدین ڈپٹی کمشنر زیارت ءِ ہسپتال نا بارواٹ بریفنگ تس۔ ڈپٹی کمشنر زیارت شبیر احمد بادینی ہسپتال انتظامیہ ءِ پارت کرسا پارینے کہ ہسپتال اٹ ڈاکٹر آک تینا اسپورٹنگ اسٹاف نا ساڑی گری ءِ پک کے۔ ہرا ڈاکٹر غیر حاضر مریک اونا ہچ ءُ ضرورت اس اف۔ ڈاکٹر و ایلو اسٹاف ناجوڑ آتا مفت درمان اٹ کڑد ادا کیر و مر انگا علاقہ غاتیٹی بروک آ ناجوڑ آتا وخت آ درمان ءِ کیر تانکہ ناجوڑ آتیکن آسانی مرے۔

(خ ن)