عدلیہ و پارلیمنٹ نا مون پہ مون مننگ اٹی کل ءِ ملک انا سوچوئی تمک‘ اسلم بھوتانی
Get real time updates directly on you device, subscribe now.
اوتھل: عدلیہ و پارلیمنٹ نا مون پہ مون مننگ اٹی کل ءِ ملک انا سوچوئی تمک۔ اگست اٹی اسمبلی تینا آئینی مدت ءِ پورو کیک و اکتوبر اٹ الیکشن مریک۔ سیاسی مخالف آک بے چین ءُ روح ءُ۔ اوفتے سٹنگ کن ہلیبو۔ اُست خواہی ءِ کہ بلدیات اٹ مروک اتحاد اٹ اوار اتحادی اوار مرسا اتحاد ءِ آخبت اٹ برجا تخنگ آ امنائی کیر۔ الس دھرتی نا ڈغار تا بشخنگ ءِ ہچ ءُ وڑ اسے ٹی امنا کپک۔ مالو ہم ڈغار تے واگزار کرفیر داسہ ہم تحفظ لس دھرتی کن جہد کننگ اٹی ءِ۔ ڈغار تا الاٹمنٹ اونا وزارت اعلی نا وخت اٹی بنا مس۔ اینو ننا بیٹھک آن ہندن سمجھر کہ وڈیرہ حسن جاموٹ گچین کاری مہم نا بنا ءِ کرینے۔ دا خیال آتا درشانی ءِ قومی اسمبلی نا باسک محمد اسلم بھوتانی تدوک آ ننکان لسبیلہ نا پنی آ سیاسی راجی و قبائلی شخصیت و بلوچستان عوامی پارٹی نا راہشون وڈیرہ محمد حسن جاموٹ نا کنڈآن جاموٹ ہاوس اوتھل اٹ اونا اعزاز اٹ تروک آ افطار پارٹی ٹی بشخ ہلنگ آن پد میڈیا نمائندہ غاتون ہیت وگپ کرسا کرے۔
(آن لائن)