اسہ دے اٹی ملک اٹ 425پوسکن ءُ کیس پورٹ،زوال مروک آتا کچ جم 176

اسلام آباد (اے پی پی) نیشنل کمانڈ اینڈ آپریشن سینٹر کورونا وائرس نا بابت پوسکن انگا حساب وکتاب ءِ جاری کرسا پارینے کہ ملک اٹی کورونا وائرس نا پک کیس آتا کچ 8418 اسکان سرمسنے وخت اس کہ ایکٹو کیس آتا کچ ہم 6272 مسنے، مچ آ ملک اٹی 590 ہسپتال آتے ٹی 2216 ناجوڑ درمان مننگ ءُ، مچ آ ملک اٹی 104،302 مخلوق نا ٹیسٹ کننگانے۔ نیشنل کمانڈ اینڈ آپریشن سینٹر آن دوشنبے نادے آ جاری حساب وکتاب نارداٹ ملک اٹی کورونا نا پک کیس آتا کچ 8418 اسکان سرمسنے۔ پاکستان اٹی ایکٹو کیس آتا کچ ہم 6272 مسنے وخت اس کہ 24 گھنٹہ ٹی 425 پوسکن ءُ کیس رپورٹ مسنو۔ نیشنل کمانڈ اینڈ آپریشن سینٹر نا رداٹ پنجاب اٹی کورونا وائرس نا کچ غٹ آن زیات 3721 اسکان سر مس۔ سندھ اٹی 2537 کورونا وائرس کیس رپورٹ مس، خیبر پختونخواہ ٹی کیس آتا کچ 1235و اسلام آباد اٹی 181 مسنے وخت اس کہ بلوچستان اٹی 432 گلگت بلتستان اٹی 263 کیس رپورٹ مس، آزاد کشمیر اٹی کورونا وائرس کیس آتا کچ 49 مس۔ نیشنل کمانڈ اینڈ آپریشن سینٹر نا رداٹ مچ آ ملک اٹی دا وخت اسکان 1970 بندغ دراخ جوڑ مسنو۔ حساب و کتاب نارداٹ کروناوائرس آن مرک انا با ٹی ہنوک آ بندغ آتا کچ 176 اسکان سر مس۔ سندھ اٹی 56، پنجاب اٹی 42، کے پی کے ٹی 67 ناجوڑ زند آن دوتے سلانو وخت اس کہ گلگت بلتستان اٹی 3و بلوچستان اٹی 5 ناجوڑ کورونا وائرس نا سوب آن زوال کرینو۔ نیشنل کمانڈ اینڈ آپریشن سینٹر نا رداٹ بنجائی دارالحکومت اٹی ہم کورونا وائرس نا 3 ناجوڑ دنیا اِلانو۔ وخت اس کہ ملک اٹی 44 ناجوڑ نا حالیت نازرک ءِ۔ نیشنل کمانڈ اینڈ آُپریشن سینٹر نا رد اٹ 36 درسد کیس آتا تعلقداری پیشن نا ملک آتیان بروک آ بندغ وخت اس کہ 64 درسد لوکل ٹرانسمیشن نا سوب آن ءُ۔ کمانڈ سینٹر نا رداٹ مچ آ ملک اٹی 590 ہسپتال آتے ٹی 2216 ناجوڑ درمان مننگ ءُ، مچ آ ملک اٹی 104،302 بندغ نا ٹیسٹ ءِ کننگانے وخت اس کہ تدوک آ 24گھنٹہ ٹی 4873 بندغ نا ٹیسٹ کننگا۔