بلوچستان حکومت نا کورونا نا توننگ و الس کن ریلیف پیکیج اس تننگ نا فیصلہ

0

Get real time updates directly on you device, subscribe now.

کوئٹہ(آن لائن)سیکرٹری خزانہ بلوچستان نورالحق بلوچ پارینے کہ بلوچستان حکومت نا کورونا نا توننگ و الس کن ریلیف پیکیج اس تننگ نا فیصلہ کرینے۔ بے روزگار و چنکا واپار کروک آ ورنا تے بے سود آن وام تننگک،ڈویلپمنٹ موٹر ویکل و بجلی نا بل آتیا خراج ءِ 3ماہ اکن بشخنگانے، مائنز اینڈمنرل نا ریٹ آتیٹی ودکی ءِ ہم چٹفنگانے، محکمہ خزانہ 4 بلین روپئی جاری کرینے، حکومت 12ارب زکوٰة فنڈ ہم جاری کرینے، 1لکھ 19ہزار حقدار ءِ تننگرہ، 21کروڑ روپئی سرکاری ہسپتال آتیٹی حقدار آ ناجوڑ آتے تننگک، وزیراعلیٰ بلوچستان نا پارت آ 76 کروڑ روپئی نا راشن ریلیف پیکیج غٹ ضلع غاتیٹی کمشنر آتا کمک اٹ بشخنگ انگ ءِ۔ داڑان بلوچستان نا الس ءِ ریلیف رسینگک۔ حکومت بلوچستان ہر پڑ آ پبی گام گیج کننگ اٹی ءِ۔ داہیت آتا درشانی ءِ او تینا جاری کروک ویڈیو کلہو اتی کرے۔ او پارے کہکورونا وائرس و ہلہلہ ئی حالیت آتا مون ءِ توننگ کن 4بلین روپئی ریلیز کننگانے، منہ دے اٹی رکھی کٹ آتتون اوار ایلو گڑاک ہم سر مریرہ۔ دا جہانی دین آن بلوچستان نا زرگزران آ زہم تمانے۔ بلوچستان نا صوبائی (جی ڈی پی) نا 30 درسَد کشت و کشار آن بریک۔ و 40 درسَد بندغ نا کشت و کشار تون ملازمت گنڈوک ءِ۔ و مسٹمیکو سیکٹر مائننگ ڈیپارٹمنٹ ءِ، حکومت بلوچستان منظم و سوگو پروگرام جوڑ کننگ نا کوشست کننگ انگ ءِ، ہرا کہ دمدستی الس ءِ ریلیف ایتک۔ ننا اکانومی بارڈر ایران و اوغانستان تون گنڈوک ءِ، ہرا بے روزگار مسنو۔ بلوچستان اٹی 16 لکھ آن زیات بندغ بیروزگار ءِ حکومت بلوچستان دمدستی وڑ اٹ راشن، کیش ٹرانسفر و ٹیکس ریلیف نا بلوچستان کابینہ آن منظوری تسنے۔ و دانا زہم الس اسکان سر مریک۔ حکومت بلوچستان سیلز ٹیکس اٹی ریلیف تسنے، ہراٹی ڈویلپمنٹ، موٹر ویکل، الیکٹریکل سٹی نا مسہ تُو اکن خراج ءِ چٹفنگانے۔ مائنز اینڈ منرل نا ہرا زُوت آتیٹ ریٹ ودانے، اودے ہم چٹفنگانے۔ اودے یک و نیم ارب روپئی نا ریلیف تننگانے۔ ہرا سی جون اسکان برجا سلک۔ حکومت بلوچستان الس کن بجلی نا بل اٹی 3 تُو اسکان خراج ءِ بشخانے۔

Get real time updates directly on you device, subscribe now.

Leave A Reply

Your email address will not be published.