بنجائی و صوبائی حکومت آک ملخ آتا ردوم ءِ توننگ کن کاروائی کیر، سردار یار محمد رند

0

Get real time updates directly on you device, subscribe now.

کوئٹہ(آن لائن) پاکستان تحریک انصاف بلوچستان نا پارلیمانی لیڈر وزیر تعلیم سردار یار محمد رند پارینے کہ بنجائی و صوبائی حکومت ملخ آتا ولشت نا مون ءِ توننگ کن جنگی بنداو آ کارروائی کیر۔ و دانا توننگ کن اکس کہ مننگ کیک گام گیج کیر۔ مون نا سال ایران و بھارت آن بروک آ ملخ آک مچ آ بلوچستان اٹ خواہے بٹیسر، داسہ اوفتا چین ودک۔ گچین گام گیج متو تو مچ آ بلوچستان اٹی کن خور نا بھاز پراگندہ ءُ حالیت اس مون تروئی تمک، حکومت ٹریکٹر آتا جاگہ غا ہیلی کاپٹر آتا کمک اٹ ایریل اسپرے کرفے، لکھ آتا کچ اٹ کچھی، نصیر آباد، سبی ٹی ملخ آتا چین نا ولشت مننگ اٹی ءِ۔ شاہراہ و فصل آتیا ملخ آتا بھاز بھلو کچ اسے آن الس و زمیندارک فریشان ءُ۔ دا ہیت آتا درشانی ءِ او تینا بیان اسے ٹی کرے۔ او پارے کہ ملخ آتا ولشت ءِ توننگتو تو بلوچستان اٹی کن خور نا تنکی اس ودی مریک۔ او پارے کہ فصل آتیا دُو یا ٹریکٹر نا اسپرے آن ولشت ءِ تا توننگ مفک، انتئے کہ دافک لکھ آتا کچ اٹی ءُ۔ اگہ دافتا مون ءِ توننگتو تو بروک آ دے تیٹی کروڑ آتا کچ اٹ ودرہ۔ داڑکن حکومت بایدے ہیلی کاپٹر آن کمک ہلسا ایریل اسپرے کے۔ ہراڑان ملخ آتا چین ختم مریک، و زمیندار تا فصل آک رکھنگرہ۔ غٹ آن زیات ملخ آک سبی، نصیر آباد، کچھی نا علاقہ غاتے زہمی کرینو، و لکھ آتا کچ اٹ بیدہ بٹینو۔ بنجائی و صوبائی حکومت آک دمدستی ملخ آتا ولشت ءِ چٹفنگ کن گام گیج کیر، اگہ تَل وَل کننگا تو بلوچستان ءِ بھاز بھلو نسخان اس ہرفوئی تمک۔ مہالو آن ساڑی کورونا دین انا سوب آن بلوچستان اٹی ہلہلہ ئی حالیت اسے، ننے غٹ آن بھلو گڑتی اس پلویڑ کیک کہ نن تون کننگ کن ہچ اس مفرو ءِ۔

Get real time updates directly on you device, subscribe now.

Leave A Reply

Your email address will not be published.