کورونا نا ٹیسٹ اکن بروک آتے جوان طبی آسراتی تننگک، ڈاکٹر اسلم ابڑو

0

Get real time updates directly on you device, subscribe now.

کوئٹہ (خ ن) ڈائریکٹر جنرل ہیلتھ بلوچستان ڈاکٹر محمد سلیم ابڑو پارینے کہ نول کرونا وائرس آن زہمی بندغ و ٹیسٹ اکن بروک آتے گچین طبی آسراتی کن غٹ وسیلہ غاتے جامع حکمت عملی نا رد اٹ کاریم اٹ اتنگے۔ و رکھی گام گیج انا آب ءِ پک کروک سلاہ سوج آتتون ہم گرنچ کننگے۔ دا ہیت آتا درشانی ءِ او وزیراعلیٰ جام کمال خان نا پارت آ بلوچستان نول کورونا وائرس سیل سیکرٹریٹ نا دورہ نا وخت آ ہیت و گپ کرسا کرے۔ دا وخت آ کورونا وائرس سیل نا سروک ڈاکٹر سرمد ڈی جی ہیلتھ بلوچستان ڈاکٹر سلیم ابڑو ءِ کورنا وائرس سیل و ریپڈ ریسپانس ٹیم  انا کارکرد نا بابت حوال تس۔ و کورونا وائرس آن بچنگ و رکھی گام گیج آتا بابت ہرفوک گام گیج، کورنٹائن سنٹر، آئسولیشن روم و کورونا وائرس نا پی سی آر ٹیسٹ انا ہند آتا بابت سرجم بریفنگ تس۔ ڈاکٹر سرمد پارے کہ کورونا وائرس نا مون ءِ توننگ کن بلوچستان حکومت سنجیدہ مرسا کاریم کننگ اٹی ءِ۔ و دا رد اٹ غٹ ادارہ غاتا نیام اٹ تین پہ تینی رابطہ کاری ساڑی ارے۔ ڈی جی ہیلتھ بلوچستان ڈاکٹر محمد سلیم ابڑو نول کورونا ڈائریکٹوریٹ نا کنڈ آن کروک گام گیج آتیا است جمی نا درشانی کرسا کارکڑد نا کچ ءِ ودفسا کیس آتتون ہم گرنچ کننگ ناپارت کرے۔ ڈاکٹر محمد سلیم ابڑو پارے کہ دا وخت آ حالیت بھاز خراب ءِ، ہراٹی طبی بشخ اتون گنڈوک غٹ بندغ آتے تینا پک کروک مینڈیٹ آن کیہی ہموخس زیات کاریم کرسا تاریخ نا دا سخت انگا وخت اٹی خدمت خلق انا عملی دروشم مون آ اتین۔

Get real time updates directly on you device, subscribe now.

Leave A Reply

Your email address will not be published.