امریکہ نا 3 ریاست اٹی لاک ڈائون اٹ نرمی نا پڑو

0

Get real time updates directly on you device, subscribe now.

واشنگٹن(آن لائن)امریکی صدر ڈونلڈ ٹرمپ 3 ریاست اٹی لاک ڈائون اٹی نرمی نا پڑو کرینے۔ درملکی خبر رساں ایجنسی نا رداٹ امریکی صدر ٹیکساس و ورمونٹ اٹی اینو دو شنبے آن وخت اس کہ مونٹانا ٹی جمعہ نا دے آن واپار ءِ ملنگ نا پارت کرینے۔ امریکی صدر ڈونلڈ ٹرمپ پارے کہ چین آن کورونا نا بابت ردینک مسنے، تو دا بابت انت پاننگ کینہ۔ چین رزاک آ ردینک کرے۔ و دانا بدل ءِ اودے تروئی تمک۔ وائٹ ہائوس اٹی کورونا وائرس ٹاسک فورس نا کوآرڈینیٹر ڈاکٹر ڈیبورا برکس پارے کہ چین ءِ کورونا نا بابت شفافیت پک کروئی تمک۔ او پارے کہ چین بایدے کورونا وائرس نا ڈیٹا ءِ شیئر کروسس، یات سلے کہ دا وخت آ دنیا ٹی کورونا وائرس آن غٹ آن زیات زہمی امریکہ ءِ۔ ہراڑے کورونا وائرس آن مرک آتا کچ 39 ہزار آن گدرینگانے، وخت اس کہ زہمی تا کچ ہفت لکھ 38 ہزار آن زیات ءِ۔ امریکہ ٹی 68 ہزار آن زیات بندغ کورونا وائرس آن کٹانو۔ مچ آ دنیا ٹی کورونا غان داتم اسکان اسہ لکھ 60 ہزار آن زیات بندغ زوال مسنو۔ وخت اس کہ زہمی تا کچ 23 لکھ 31 ہزار آن زیات ءِ۔ وخت اس کہ دراخ جوڑ مروک آتا کچ 5 لکھ 97 ہزار آن زیات ءِ۔

Get real time updates directly on you device, subscribe now.

Leave A Reply

Your email address will not be published.