پی آئی نا خصوصی طیارہ225 مسافر ءِ ہرفے دبئی آن اسلام آباد آ سر مس

0

Get real time updates directly on you device, subscribe now.

اسلام آباد،کراچی ( آن لائن)کورونا وائرس نا سوب آن برجا لاک ڈائون اٹی دبئی ٹی گٹ پاکستانی تے ہرفسا پی آئی اے نا خصوصی طیارہ اسلام آباد آ سر مس۔ پاکستان قومی ایئرلائن نا جہاز پی کے 212 نا کمک اٹ 225 مسافر دبئی آن اسلام آباد آ سر مسر، وخت اس کہ پی آئی اے نا جہاز پی کے 701 نا کمک اٹ 393 مسافر مانچسٹر آ راہی مسنو۔ ایلو کنڈ آ پی آئی اے نا جہاز پی کے 785 نا کمک اٹ 310 مسافر اسلام آباد آن لندن کن راہی مسنو۔ حوال آتا رد اٹ کینیڈا ٹی آخبتی ہندی، ملازمتی و تعلیمی ویزہ والاک دا فلائٹ آتیٹی راہی مننگ اٹی ءُ، وخت اس کہ منہ درملکی شاری اس ہم دا جہاز آتیٹی بکنگ کرفینو۔ حوال آتا رد اٹ ایئرپورٹ آ مسافر تے کورونا وائرس اسکریننگ و پورو طبی جاچ کننگ انگ ءِ، وخت اس کہ مسافر آتا گڑا تیا ہم جہانی آب انا رد اٹ جراچیم کش اسپرے کننگا۔ ایلو کنڈ آ اسلام آباد آن ملتان کن ہنوک ڈومیسٹک جہاز سول ایوی ایشن اتھارٹی (سی اے اے) نا کنڈ آن خصوصی موکل رسینگ آن پد ملتان آ راہی مس۔ ایئر لائن حوالی تا رد اٹ کورونا وائرس لاک ڈاﺅن نا دے تیٹی کراچی آن ٹورنٹو کن دا اولیکو فلائٹ ءِ۔ ایلو کنڈ آ حکومت پاکستان برطانیہ کن پاکستان انٹرنیشنل ایئر لائن ( پی آئی اے) نا آپریشن ءِ گڈل وڑ اٹ بحال کننگ نا موکل تسنے۔ پی آئی اے لندن، مانچسٹر و برمنگھم کن لاہور و اسلام آباد آن جہاز چلیفک۔ جہاز آتیٹی مہالو آن بکنگ کروک آ مسافر تے ہم ایڈجسٹ کننگک۔ پی آئی اے انتظامیہ پارت کرینے کہ پدی ہننگ نا خواہندار بندغ آتک دمدستی پی آئی اے نا ویب سائٹ یا دفتر آ کار۔

Get real time updates directly on you device, subscribe now.

Leave A Reply

Your email address will not be published.