حکومتی کوشست آتیان دین ءِ توننگ مسنے، وزیرداخلہ بلوچستان

0

Get real time updates directly on you device, subscribe now.

کوئٹہ (خ ن) صوبائی وزیر داخلہ و پی ڈی ایم اے میر ضیاءاللہ لانگو کورونا نا تالانی ءِ توننگ کن حکومت نا کنڈ آن عزم انا درشانی ءِ کرسا پارینے کہ صوبائی حکومت ناکنڈآن کورونا نا توننگ کن وخت و جوان گام گیج و بست وبند آتا سوب آن کورونا دین ءِ توننگ مسنے‘ ہرانا ذکر ءِ وزیراعظم عمران خان ہم کرینے۔ دا خیال آتادرشانی ءِ او مستونگ نواب غوث بخش میموریل ہسپتال مستونگ، ڈسٹرکٹ ہیڈ کوارٹر ہسپتال قلات، شہیدمیرزیب انٹر کالج کوٹ لانگو نا دورہ و قلات اٹ احساس ایمرجنسی پروگرام نا رد اٹ غریب آتے ٹی کمکی پیسہ بشخنگ نا وخت آ ہیت وگپ کرسا کرے۔ وزیرداخلہ مستونگ و قلات نا ڈسٹرکٹ ہیڈ کوارٹرہسپتال تے ٹی جوڑ کروک آئسولیشن وارڈ آتا جاچ ءِ ہم ہلک و ہموڑے ساڑی آسراتی و بست وبند آتا جاچ ءِ ہلک۔ داوخت آ اوڑتون ڈپٹی کمشنر قلات شیہک بلوچ‘ ڈپٹی کمشنر مستونگ محبوب احمد‘ ڈسٹرکٹ ہیلتھ آفیسر ڈاکٹر محمد نسیم‘ ڈاکٹر نصراللہ لانگو وایلو افسر آک تُد ئسر۔

Get real time updates directly on you device, subscribe now.

Leave A Reply

Your email address will not be published.