نیب لاہور شہباز شریف ءِ 22 اپریل آ دوارہ بٹنگا
Get real time updates directly on you device, subscribe now.
لاہور (آن لائن) قومی احتساب بیورو (نیب) کٹیا غان زیات میرات کیس اٹ مسلم لیگ (ن) نا صدر و قومی اسمبلی ٹی اپوزیشن لیڈر شہباز شریف ءِ دوارہ بٹنگ انگ نا نوٹس جاری کرے۔ نیب لاہور نا کنڈآن دوبہ دار شہباز شریف نا ورندی نا رد اٹ غٹ رکھی گام گیج آتون اوار 22 اپریل دے انا دوانزدہ بجہ غا نیب ٹیم انا مون آ پیش مننگ نا نوٹس راہی کرینے۔ نوٹس اٹ نیب شہباز شریف ءِ باور کرفینے کہ کورونا نا بابت پورو رکھی گام گیج کننگک۔ دا بابت نیب حوالی پارے کہ کٹیا غان زیات میرات کیس انا انکوائری گڈیکو مرحلہ ٹی ءِ و شہباز شریف آن سوج آتا ورندی بھاز المی ءِ۔ نوٹس اٹ پاننگانے کہ نیب لاہور اٹ پیشی نا وخت آ راجی مُری نا وڑ کننگک و نیب ٹیم رکھی گام گیج کیک۔ یات سلے کہ نیب شہباز شریف ءِ 17 اپریل آ بٹنگاسس ولے مسلم لیگ (ن) نا صدر پیشی نا دے آ منی لانڈرنگ کیس اٹ نیب انا مون آ پیش مننگ کن وارخواہی خواہسوسس۔