بلوچستان اٹ کورونا نا توننگ کن بھلو کچ اسے ٹی کاریم برجاءِ،محمد خان لہڑی

0

Get real time updates directly on you device, subscribe now.

تمبو (آن لائن) صوبائی سلاہکار لیبر و افرادی قوت حاجی محمد خان لہڑی پارینے کہ کورونا پاکستان تون اوار 210 ملک ءِ زہمی کرینے‘ پاکستان اٹ بروک آ ارا مسہ ہفتہ کورونا نا بابت بھاز اہم ءُ‘ بلوچستان اٹ کورونا نا توننگ کن بھلو کچ اسے ٹی کاریم برجاءِ۔ دا خیال آتادرشانی ءِ او تینا باوہ پیرہ ئی آ خلق گوٹھ تاج محمد لہڑی ٹی میڈیا تون ہیت وگپ کرسا کرے۔ دا وخت آ میرمحمدحیات جتک، رئیس چھٹہ خان رڈ، ڈاکٹر رسول بخش مینگل، میرعمران حسین صوبھانی وعلاقہ ناایلو متبر آک ساڑی ئسر۔ حاجی محمد خان لہڑی پارے کہ کوشست کینہ کہ نصیرآباد ڈویژن کن بروک آبجٹ اٹ اسہ بھلو میگاپروجیکٹ‘ میڈیکل کالج نا منظوری تون اوار اونا تعمیر کن فنڈ جتا کننگے‘ ہراڑکن پیپرورک ءِ پورو کننگانے۔ او پارے کہ گچین کاری حلقہ ٹی جم نوعیت نا السی فائدہ نا جم شونداری ڈٹ آتیا کاریم برجاءِ۔ فام ٹومارکیٹ اسکان سر کنننگ کن بلیک ٹاپ روڈ، شاخ تا بھل سفائی آ ہم کاریم برجاءِ۔ اوپارے کہ کورونا دے پہ دے آ ودنگ اٹی ءِ ہرانا توننگ کن تینے و ایلوفتے رکھنگ نا اسٹ انگا وڑ اُراتے ٹی مننگ ءِ۔ ماسک بیننگے و دو تے سابون اٹ سلسا جراثیم آن پاک کننگے۔ او پارے کہ سول ہسپتال ڈیرہ مراد جمالی ٹی کوونا نا ٹیسٹ اکن زوت لیبارٹری جوڑ کننگک۔ او پارے کہ کورونا غان زہمی مروک دیہاڑی دار مزورکار آتیکن وزیراعلیٰ بلوچستان جام کمال خان اسہ پیکیج اس تیار کرینے‘ ہرانا پڑو ءِ زوت وزیراعلیٰ بلوچستان تینٹ کیک۔

Get real time updates directly on you device, subscribe now.

Leave A Reply

Your email address will not be published.