ایف سی‘ نوشکے انتظامیہ و پولیس و لیویز تون اوارکاریم کینہ‘پرنس عبدالقادر بلوچ
Get real time updates directly on you device, subscribe now.
نوشکے (تلار حوالکار) پاکستان تحریک انصاف نوشکے نا دیوان سردار رخشانی ہاﺅس اٹ پی ٹی آئی نوشکے نا ضلعی صدر و سی سی ممبر چیف آف رخشانی سردار پرنس عبدالقادر بلوچ نا کماشی ٹی اڈ ہلک‘ دیوان اٹ کابینہ نا سینئر باسک آک ساڑی ئسر‘ دیوان اٹ نیاڑی تیان پد ورناتے تیا ساڑی پی ٹی آئی ٹائیگر فورس و کمیٹی ٹہیفنگا و ٹائیگر فورس نوشکے ٹی ایمرجنسی احساس پروگرام اٹ رجسٹریشن کرفنگ نا پبی کوشست کننگک و تینے آن ہم حقدار وغریب بندغ آتسکان راشن سر کننگک‘ داکان مست ہم سَد آبندغ آتے ٹی راشن بشخنگانے۔ دیوا آن چیف آف رخشانی سردار پرنس عبدالقادر بلوچ تران کرسا پارے کہ وزیراعظم عمران خان ایمرجنسی احساس پروگرام نا رد اٹ غریب آتے 12 ہزار روپئی تننگ نا ہرا پڑو ءِ کرینے اودے شفاف وڑ اٹ شیفکو آ سر کننگ انگ ءِ۔ او پارے کہ نن ایف سی کمانڈنٹ نوشکے، ڈپٹی کمشنر نوشکے ءِ سلہ خلینہ کہ ایف سی‘ نوشکے انتظامیہ و پولیس و لیویز تون اوار پی ٹی آئی نوشکے ناکنڈآن جوڑ کروک ٹائیگر فورس پبی وڑ اٹ کمک کیک۔ پی ٹی آئی نا دا رضاکار آک 24 گھنٹہ نوشکے ناالس نا خذمت کن سنبرینگوک ءُ۔