حاجی علی مددجتک ناکماشی ٹی پارٹی شون ہلنگ اٹی ءِ‘میر حفیظ بگٹی
Get real time updates directly on you device, subscribe now.
سبی (آن لائن) پاکستان پیپلزپارٹی سبی ڈویژن نا رابطہ سیکرٹری میرحفیظ بگٹی میڈیا تون ہیت وگپ کرسا پارینے کہ حاجی علی مددجتک ناکماشی ٹی پارٹی شون ہلنگ اٹی ءِ‘ صوبائی صدرنا جوان حکمت عملی نا سوب آن بندغ آک بھلو کچ اسے ٹی پارٹی ٹی اوار مننگ اٹی ءُ‘ بروک آ وخت اٹ بنجا و ہر چار آ صوبہ غاتے ٹی پاکستان پیپلزپارٹی نا حکومت مریک‘ تحریک انصاف الس ءِ پین ریفنگ کپک‘ کورونا تون اوار بے سہب زرگزرانی پالیسی تیا عمران خان تینا بے سہبی ءِ امنا کے۔ اوپارے کہ غریب آتا آسودہی و حقی آ دڑد تخوک آ پارٹی پاکستان پیپلزپارٹی ءِ ہرانا نعرہ ارغ‘ پُچ و اُرا کن اینو نا غریب آک بیوس مسنو‘ نابود آ بندغ آتے غریب الس آ بیٹ کرسا الس ءِ بندغ آتے کہنگ آ بیوس کننگانے‘ الس نا اومیت آک پاکستان پیپلزپارٹی تون گنڈوک ءُ‘ کورونا نا توننگ کن بنجا سندھ حکومت نا رند ءِ ہلنگ اٹی ءِ۔