بلوچستان نا گیشتری علاقہ غاتے ٹی پڑی پڑی پِر انا گمان ، محکمہ موسمیات کوئٹہ

کوئٹہ(اے پی پی) بلوچستان نا گیشتر علاقہ غاتے ٹی بنداوی وڑاٹ موسم خشک مننگ نا گمان ءِ۔ ولے کوئٹہ ، قلعہ عبداللہ، قلعہ سیف اللہ، بولان ، ہرنائی ، بارکھان و ڑوب انا ضلع غاتے ٹی چندی ہند آتیا پڑی پڑی پِر اناگمان ءِ۔ علاقائی موسمیاتی مرکز کوئٹہ نا آفیسر محمد اسلم نا رداٹ جمعہ نادے آ بلوچستان نا گیشتر علاقہ غاتے ٹی پڑی پڑی پِرمننگ نا گمان ءِ ولے صوبہ نا چندی علاقہ غاتے ٹی کم آن کم درجہ حرارت بارکھان اٹی 11سینٹی گریڈ، دالبندین10 سینٹی گریڈ ، گوادر16.5سینٹی گریڈ، جیونی 18.0سینٹی گریڈ، قلات4.0 سینٹی گریڈ، خضدار17.5سینٹی گریڈ، لسبیلہ12.5سینٹی گریڈ، نوکنڈی19.0سینٹی گریڈ، پنجگور13.0سینٹی گریڈ، پسنی 17.5سینٹی گریڈ، کوئٹہ 8.0سینٹی گریڈ، سبی20.5سینٹی گریڈ، تربت6.5 سینٹی گریڈ، ڑوب10سینٹی گریڈ، اورماڑہ 13.0سینٹی گریڈ و زیارت اٹی 5.1سینٹی گریڈ ریکارڈ کننگا۔