یاسین ملک تون ڈیتھ سیل اٹی بیدادی کننگ انگ ءِ، مشال ملک نا بیان

اسلام آباد(اے پی پی) حریت راہشون یاسین ملک نا اُرائی مشال ملک پارینے کہ حریت راہشون یاسین ملک تنو ڈیتھ سیل اٹی بھاز بیدادی کننگ انگ ءِ، داخہ بھلو لیڈراس و مرد مجاہدیاسین ملک مرک انا باٹی ءِ مشال ملک جمعہ نادے آ تینا اسہ ویڈیو بیان اسے ٹی پارے کہ یاسین ملک تینا وصیت ءِ دنیا کن گدریفینے۔ اوپیدوار کرینے کہ او ہچ ءُ حالیت اسے ٹی سرنڈر کپک۔ یاسین ملک تینا مرک آن پد جونی عزوہ غاتے عطیہ کننگ نا وصیت ہم کرینے۔ مشال ملک پارے کہ دا نرزور لیڈر مرک آن پد تینا جون ءِ ہم کشمیری قوم کن وقف کرینے۔ کشمیری تا آجوئی کن یاسین ملک تینا جوانی و تینا خاہوت ءِ قربان کرینے۔ اوپارے کہ اسہ ہم جہد آجوئی اسے ٹی داخہ ظلم و جور مفروءِ اخس کہ کشمیر اٹی کننگ انگ ءِ اوپارے کہ اگہ اسہ یاسین ملک اسے شہید کننگا تو مچ آ دنیا ٹی سدآیاسین ملک مون آ بریک۔ مشال ملک پارے کہ کشمیر اٹی ظلم آ چپی جہانی برادری نا گیشتری لاک ڈاو ¿ن اٹی ہنانے۔ مشال ملک پارے کہ دنیا کشمیری تیا بہیمانہ ظلم آتیا گونگ و کھرءُ۔ کورونا وائرس آن پد لاک ڈاو ¿ن نا حالیت جہانی برادری کن سجفنگ نا وخت ءِ ، دنیا کیہی تُوآن لاک ڈاو ¿ن اٹی ظلم انا گواچی کشمیری تتون انت اکن تفپننگ ءُ۔ مشال ملک پارے کہ دنیا ساڑی حالیت آتے ٹی انسانیت کن توار بڑزکے۔