بنجائی وزیر ڈٹ بندی، شونداری و اصلاحات و خصوصی گام گیج اسد عمر نا دیوان آن تران

اسلام آباد(اے پی پی) بنجائی وزیر ڈٹ بندی، شونداری و اصلاحات و خصوصی گام گیج اسد عمر پارینے کہ شاریک السی ہند و مچی تیان مر مریر، اسلام آباد نا شاریک احتیاطی تدابیر تیا عمل کیر، اسلام آباد نا اسکول ، کالج، جم آتے بند کننگک۔ داخیال آتا درشاننی ءِ او جمعہ نادے آ وزارت ڈٹ بندی ٹی کوروناوائرس نا بابت دیوان آن تران کرسا کرے۔دیوان اٹی خصوصی کمکار سی ڈی اے افیئرز علی نواز اعوان، چیئرمین قائمہ کمیٹی داخلہ راجہ خرم نواز، ڈی سی اسلام آباد، وزارت جان جوڑی ، و پم انا بڑزکو کمامدارآک ہم ساڑی ئسر۔ دیوان اٹی اسلام آباد اٹی کوروناوائرس آن بچنگ کن احتیاطی گام گیج آتا جاچ ءِ ہلنگا۔ اسد عمر پارے کہ اسلام آباد اٹی رہینگوک آک احتیاطی تدابیر تیا عمل کیر، السی ہند و مچی تیان مرمریر۔ اوپارے کہ اسلام آباد نا اسکول، کالج، جم آتے بند کننگک، اسلام آباد اٹی کوروناوائرس ناتالانی ءِ توننگ کن آگاہی مہم نا بناءِ کننگانے، دا آگاہی مہم نا رداٹ پولیو ٹیمک کوروناوائرس نا بارواٹی کلہو ءِ ہم اُرااُراغا سرکننگ ءُ۔ بنجائی وزیر پارے کہ دارداٹ اُرااُراغا پمفلٹ ہم بشخنگ انگ ءِ