اسپیکر قومی اسمبلی اسد قیصر نا غٹ سیاسی جماعت آتون رابطہ نا فیصلہ

0

Get real time updates directly on you device, subscribe now.

اسلام آباد(اے پی پی) کورونا وائرس آن ملک ءِ مون تروک چیلنج آتون مون تننگ کن قومی مفاہمت کن اسپیکر قومی اسمبلی اسد قیصر غٹ سیاسی جماعت آتون رابطہ رابطہ نا فیصلہ ءِ کرینے۔ پارلیمانی ذرائع نا رداٹ اسپیکر قومی اسمبلی اسد قیصر تدوک آدے وزیراعظم تون اوڑدہی کرے ہراٹی ملک انا ساڑی حالیت آتا بابت سرجم گپ وتران اٹی کورونا وائرس نا حالیت آتیان پورو قومی یکجہتی اتون مون تننگ کن چندی سلاہ تتون اوار اوار حکومتی و اپوزیشن باسک آتیا تالان پارلیمانی کمیٹی اسے نا جوڑ کننگ نا سلاہ آ ہم سجفنگا و اسپیکر قومی اسمبلی ءِ وزیراعظم عمران خان نا کنڈآن داکمیٹی نا جوڑکننگ کن پاننگانے۔ ایلو کنڈ پاکستان پیپلزپارٹی نا چیئرمین بلاول بھٹو زرداری نا کنڈآن وزیراعظم و حکومت نا بابت پورو کمک و خیر خواہی نا جوزہ غاتا قومی کہول آ ستاءِ کننگ انگ ءِ اسپیکر قومی اسمبلی اسد قیصر پاکستان پیپلزپارٹی نا چیئرمین بلاول بھٹو زرداری تون اوار ایلو اپوزیشن جماعت آتا سرکڑدہ غاتون رابطہ کیک و ملک ءِ مون تروک کورونا وائرس نا حالیت آتون مون تننگ کن امنائی قومی بیانیہ نا جوڑ کننگ تون اوار گیشتر قومی مفاہمت و یکجہتی کن ملک انا غٹ سیاسی جماعت آتے اسہ پنہ غا اتنگ کن تینا کڑد ءِ ادا کیک۔

Get real time updates directly on you device, subscribe now.

Leave A Reply

Your email address will not be published.