ساڑی حالیت اٹ کرونا غان بچنگ نا اسٹ انگا کسر رکھی گام گیج ءِ، محسن بٹ

کوئٹہ(اے پی پی) انسپکٹر جنرل پولیس بلوچستان محسن حسن بٹ پارینے کہ ساڑی حالیت آتارداٹ کورونا وائرس آن بچنگ کن احتیاطی تدابیر نا گرج ءِ تانکہ وائرس نا منتقلی نا گمان آک کم مننگ کیر، اوپارے کہ پولیس اٹی مروک غٹ ہیلکاری کورس اردلی و پولیس دربار و ایلو دود آتے غٹ ءِ منسوخ کرینن۔ وخت اس کہ کوئٹہ تون اوار غٹ ضلع غاتے ٹی آگاہی مہم نا بناءِ کننگانے۔ داخیال آتا درشانی ءِ او اینو سینٹرل پولیس آفس اٹی اڈ ہلوک آ دیوان اٹی کرے۔ داوخت آ ایڈیشنل آئی جی جہانزیب خان جوگیزئی ، ڈی آئی جی اسپیشل برانچ جاوید اوڈھو، آئی جی کرائمز ، وزیر خان ناصر، و ڈی آئی جی بلوچستان کانسٹیبلری سید فداحسین شاہ تون اوار غٹ آفیسر آک ہم ساڑی ئسر۔ آئی جی پولیس بلوچستان پارے کہ پولیس نا غٹ دفتر آتے ٹی غٹ ءِ یکجا رہینگ انگ و تولنگ آ پابندی خلنگانے۔ دفتر آتے ٹی کاریم کروک آ عملہ و آفیسر آک چندی شفٹ آتے ٹی کاریم کننگ ءُ۔ باتھ روم تیٹی سینٹائزر و صابن ءِ کاریم اٹ اتنگ انگ ءِ۔ اوپارے کہ غٹ ضلع غاتے ٹی ہم ہندا حکمت عملی نا رداٹ کاریم مننگ ءِ، وخت اس کہ تھانہ ، پولیس لین آن ڈی آئی جی نا کہول آ شعور آگاہی مہم برجاءِ ہنداوڑ پیشن آن بروک آ بندغ آتاہم داخلہ محکمہ پولیس نا دفترآتے ٹی منعءِ۔ اوپارے کہ ماسک غٹ بشخ آتے تننگانے ماسک ءِ کاریم اٹ اتنگ المی ءِ، اوپارے کہ پولیس ملازم آک دفتری وخت آن پد اُراتیٹی مریر۔